Awe, 21 di mei 2012, nos ta recorda cu nuebe (9) aña pasa Papiamento a bira idioma oficial na Aruba. Dia 21 di mei 2003, Parlamento di Aruba a aproba e ley di idioma oficial. Esaki ta encera cu pa prome biaha den historia di Aruba, Papiamento y Hulandes a bira idioma oficial. Prome cu esey ningun di nan dos no tabata oficial na Aruba.

Na Hulanda mes Hulandes a bira oficial na 1995. Pa loke ta trata Papiamento, tabata prome biaha cu el a wordo declara oficial como idioma. Na Corsou cu Boneiro Papiamento a bira oficial cuater (4) aña despues, esta na 2007.

E idea tras di oficialisacion di Papiamento ta pa stimula uzo di nos idioma nacional den aparato gubernamental y pa Papiamento y Hulandes wordo considera como igual.

Druifbeach: Aruba Volleyball Association, A.V.A., ta organisa diadomingo awor dia 27 di mei 2012, for di 9 or di mainta te cu 5 or di atardi, su 1º Torneo di Beach Volleyball den e categorianan di 2 contra 2 tanto den e clase femenino como masculino. Ganadornan di e Torneo aki lo bai representa Aruba na e Torneo di Arkefly na Curaçao cu lo tuma lugar e weekend siguiente ariba e dianan 1, 2 y 3 di juni 2012.

E Torneo aki di Beach Volleyball 2 contra 2, organisa pa e Comision di Beach Volleyball di A.V.A. ta basa ariba dobbel eliminacion, ta wordo combina cu un Torneo di Beach Volleyball 4 contra 4 cu lo bai entre e trahadornan di e restaurantnan di Aruba. Na e competencia aki lo participa 10 team, tanto masculino como femenino, cu lo ser forma pa e miho hungadornan di beach volleyball di e departamentonan di “Food & Beverage” (F&B) aki na Aruba.

E siman aki e number di auto ganador ta A-6442 cu a gana un ticket pa bai Medellín, Colombia. Tur siman Insel Air ta saca un otro ganador di nan campaña di Bumper Stickers.

Pega e bumper sticker di Insel Air na bo auto (preferiblemente serca di e number di auto) pa asina ki bo tambe tin chens di gana un ticket pa un di e destinacionnan di Insel Air.

Aquafresh ta un pasta di djiente hopi conoci rond mundo. Cu su tres colornan y tambe triple protection Aquafresh ta tene bo carni di djiente saludabel, bo djientenan fuerte y bo aliento fresco.

Cuminzando dialuna awo, abo por gana cu Aquafresh! Kico bo tin cu hasi? Manda un potret na gana@coolaruba.com cu bo smile di mas bunita banda di un caha di Aquafresh. Bo por saca potret cu un camera digital of cu e camera di bo telefon mes!