Awor bo por wak e stream live di Aruba Hi-Winds henter dia danki na Setar cu a pone e camaranan cu tambe anochi bo por wak tur cos.
Esaki ta bon pa tur e participante cu a bin di afor pa e famianan por wak y tambe esnan cu no por tey na beach por wak e evento cu 2 camara. tambe lo tin banda riba stage y bo lo por wak esey tambe. Click riba e banner pa bo wak e stream live.
Heineken ta haci di San Nicolas, e Green Village di 2009
Monday, 29 June 2009
Busca
bo ‘Green Key’ y ban goza Parib’i Brug
SAN NICOLAS - (19 di Juni 2009) - Tabata djis
un cuestion di tempo pa e ‘Green Vibes’ di Heineken yega, contagia y tuma over
‘Chocolate City’ di San Nicolas. Pesey mes, Diasabra 11 di Juli proximo
Heineken ta cruza brug un biaha mas, despues di su exitoso ‘Route To Rumshops’
pa yega mas cerca di su hendenan pariba. Si! Green City ta haci su gran entrada
na San Nicolas hibando cune tur e bon ambiente, energia y alegria conoci di e
evento grandi aki.
E diasabra anochi aki lo sera caya principal
y lo ilumine na berde, di punta pa punta. San Nicolas, e di dos ciudad mas
grandi di nos dushi isla, semper a hunga un rol masha importante den e historia
economico, politico y te hasta den termino di fiesta y ambiente. Algun di e
eventonan mas grandi di aña ta tuma lugar akinan, sigur durante temporada di
Carnaval.
Aruba Bank ta
anuncia su campaña nobo “Aruba Bank Student Campaign”. Aruba Bank ta felicita
tur studiantenan cu nan logro di a pasa pa un educacion mas halto, trahando
riba nan meta di por bira un profesional mañan. Un bes mas Aruba Bank a
organisa un campaña promocional pa atrae mas studiante pa habri nan Cuenta di
Studiante na Aruba Bank y gosa di un sin fin di ventahanan.
E lista di
beneficionan ta encera cu como studiante lo bo tin acceso na servicio di ATM y
pago cu Maestro na cualkier parti di mundo. Acceso inmediato na montante cu a
deposita. No ta cobra gastonan di administracion of otro gastonan adicional. Pa
e studiantenan cu ta sigui un estudio na nivel di MBO, HBO of WO ta brinda e
posibilidad pa un tarheta di credito. Ademas di esaki, bo por check bo cuenta
online 24 ora pa dia for di unda cu bo ta cu Aruba Bank Online y haci bo
asuntonan bancario cu ABOpass, e sistema online local mas safe
actualmente.
Di 1 pa 6 di July Aruba lo ta sede
di e di 23 edicion di Aruba Hi-Winds, 2009 cu lo tuma lugar na
Fisherman’s Hut na Malmok. E aña aki e comicion organisador bou guia di
Wim Eelens a prepara un programa cu ta inclui tanto windsurfing como
kitesurfing cu lo percura pa hopi accion ariba lama durante e 5 dianan
di competencia cu lo tuma lugar na Fisherman’s Huts y na Boca Grandi.
Cool FM 98.9 ta un di e sponsernan principal di e evento aki y nos lo ta cubriendo e evento aki cu radio, video y potret.
Recientemente empleadonan di Maduro Travel y tambe diverente agencia nan di Viaje a bay
riba nan asina yama ‘FAM-TRIP’. Unda cu e Fam –Trip aki ta bai familiarisa cu e
Distinacion pa asina share esaki cu Aruba. E grupo a bishita Suriname pa algun dia,
bulando cu Surinam Airways dia 15 di Mei.
Ora cu e grupo a yega cu e avion PAWA, nan
a ricibi un bunita bon bini di parti di imigracion, despues di cual nan a topa
cu nan tour guide ‘Nootje’. E grupo a check in na Hotel Torarica y
Royal Torarica, despues di cual tabata tin un encuentro cu bebida y snacks. Anochi nan a haya
un tour di bida nocturno di Surniname, incluyendo un bishita na ‘The Fat’.
