|
Repiticion Transmission Ministerio Publico |
|
24ORA TV
|
|
Tuesday, 06 January 2009 - 14:44 |
24ora.com tabata en bibo for di un conferencia di prensa teni pa Ministerio Publico pa papia riba e caso Holloway cu keto bay ta andando. Na e momentonan aki por mira e conferencia aki cu a wordo transmiti en bibo diamars atardi.Pa carnaval 55 tur bishitante di 24ora.com mester keda pendiente pa cu e actividadnan cu nos lo transmiti en bibo.
|
|
|
Creators ta presenta KFC den Carnaval |
|
Carnaval 55
|
|
Tuesday, 06 January 2009 - 11:26 |
|
 The Creators Band cu pa hopi aña a
participa den festivalnan di calypso, roadmarch y diferente paradanan
di carnaval a dicidi cu nan tambe ta presenta nan mesun
grupo di carnaval pa carnival 55 un tremendo iniciativa huntu
cu nan patrosinado “Kentucky Fried Chicken”E grupo ta: The Creators Carnival
Group ta presenta KFC den carnival 55.For di momento cu a presenta e grupo
diferente ta e personanan cu a mustra interes y a inscribi cu
e grupo, segun Carlos Jacobs lider di e grupo, nan lo kier a presenta
cu un grupo tur afo y nan intencion ta pa bai cu mas
o menos 300 participante.
|
|
|
Reaccion fuerte contra Hero Brinkman |
|
Local
|
|
Tuesday, 06 January 2009 - 00:01 |
 Na e momentonan aki ta tumando lugar na Aruba reunionan entre Gobernantenan di Aruba, Antiyas y Hulanda. Entre otro for di Hulanda tambe ta na Aruba Sr. Hero Brinkman. Brinkman recientemente tabata na FOX TV (USA) pa denuncia cu Aruba ta un isla corupto. Na yegada di Brinkman na un oficina di Gobierno dialuna e la wordo confronta fuertemente pa Chef Protocol Eric Brete. Sr. Brete segun Brinkman lo a menaze bisando e cu Aruba no ta corupto y cu e mester contene su mes pa no duna Hero Brinkman un bon bati. Hero a indica na prensa Hulandes cu e no tin miedo di niun hende mirando cu pa mas di 20 anja e tabata un Polis. Hero lo no entrega keho. Click read more pa mas imagen.
|
|
|
Entretenimento
|
|
Tuesday, 06 January 2009 - 00:01 |
|
 Durante e prome siman di February
Aruba lo bai ser conosi cu algo unico y impresionante .Ta trata aki di un “4day-
dance course” organisa pa docente di baile y bailarin Aneudi Cabral. Aneudi conhuntamente cu 2
otro docente y tambe bailarin di Amsterdam, Hulanda lo duna un workshop
intenso pa tur esnan cu ta interesa den baile y kier conose algo nobo
y inovativo. Aki e 3 docente nan di Amsterdam lo traha cu diferente
estilo di baile entro otro Latin jazz, Modern jazz y Show jazz.. E ultimo dia tur e estilo nan
aki ta bira un, y lo ta bai tin un presentacion grandi pa esnan cu
ta interessa, pa expone e trabou di e ultimo 4 dianan patras di lomba. E dance workshop aki lo tuma
luga 9 February te cu 12 February 2009. Click read more pa sa con pa haja mas informacion.
|
|
|
Crisis di Energia na caminda pa Europa |
|
Internacional
|
|
Tuesday, 06 January 2009 - 00:00 |
 For di den fin di siman, desde cu Russia a implementa un restricscion cual ta sostene su posicion kcmo Monopolio den distrubucion di Gas, cual Compania Gazprom ta controla den tal region, via e Linea-Pipa-Gas
foi Russia via Ukraina, distribuyendo Polonia, Romania,
Hungaria y Bulgaria. Tal posicion di Russia pa pone un paro riba
destribucion den tal region, ta causando un crisis na promer lugar riba prijs di Gas, y riba e prijs riba New York Mercantile Exchange
den prijs di bari di Petrolio, Globalmente. Conflicto den e
palabracionan di distribucion di Gas, for di Russia pa Ukraina, ta
alarmante, desde cu no a bin na un acuerdo entre e dos Paisnan pa con
pa bin na un arreglo pa Anja 2009. Click read more pa lesa mas.
|
|
|
Balkenende contra "Investigacion Irak" |
|
Internacional
|
|
Tuesday, 06 January 2009 - 00:00 |
 Den un programma di television Premier
Hulandes Sr. Jan Peter Balkenende a opina su disgusto riba e motibo
den cual apoyo ta ser busca pa investiga pasado-formador Sr. Herman
Wijfels y pasado-Commandante Militair di Reino Sr. Dick Berlijk. Premier Jan Peter Balkendende ta keda riba punto di bista cu den tempo cu Pais Hulanda a duna sosten na Merca-Brittania den Guerra contra Irak esey
tawata den tempo ey relevante riba e situacion Socio-Politico den
region Medio Oriente-Irak. E decision di Gobierno Hulandes tawata basa
riba informacion y necesidad den momento ey pa tal decision y motibo
den cual a duna sosten Militar na Forzanan Militar Merikano-Britanico naunda cu nan a invadi Irak.
|
|
|
Skol Di Baile Pachanga cu lesnan gratis |
|
Local
|
|
Tuesday, 06 January 2009 - 00:00 |
 Den e siman di 5 te cu 10 di januari 2009 Scol di baile Pachanga ta organisa lesnan di introduktion pa tur futuro studiantenan cu kier bin sera conoci cu tur nos diferente typo di bailenan manera “Zouk” , “Bachata”,”Rueda”, “Axe”, “Samba”, y naturalmente Salsa den diferente estylonan. E lesnan di introduktion ta start pa 7 PM y ta dura un ora. E lesnan ta GRATIS pa tur hende.E lesnan lo wordo duna na e Scol di baile situa na Tanki Leendert 68 E.Inscripsion ta un pre mirando cu e lugar ta limita. Ayera a tuma lugar e prome lesnan di di Bachata e esaki a resulta di ta un exito rotundo. Riba e fotos lo po mes por wak kon grandi e interest tawata pa e prome les di Bachata cu a wordo duna completamente gratis pa esna di Skol di Pachanga. No lubida cu awe lesnan ta sigi, y awe lo wordo duna e parti di Rueda cu ta un baile Cubano. Pa mas informacion jama Skol di Baile Pachanga na Tel:5831818 of 5931818.
|
|
|
Chauffer ta pusha dama for di auto |
|
Policial
|
|
Monday, 05 January 2009 - 10:40 |
 Nos tin entendi cu un ratu pasa mester a tuma lugar un incidente unda cu un chauffer lo mester a pusha un dama for di un auto den vecindario di Hooiberg banda di Well Well Restaurant. E dama aki ta sclamando di basta dolor na su lomba. Polis ja caba ta na altura di e caso aki y ta buskando un tal O.M cu lo a occasiona esaki. Manera cu nos reporteronan presenta na sitio y nos ricibi cualkier imagen, nos lo subministra e informacion aki pa nos bishitantenan.
Update: En berdad nos a topa cu e caso aki na unda cu a bin topa e dama tira riba caminda. Locual a pasa ta cu e homber aki cu ta of tabata acompanja pa e dama a bay na cas di e dama y a cuminsa destrui varios articulo. Despues pa un motibo te ainda desconoci e dama a subi auto cu e homber y na unda cu na altura di Hooiberg e homber lo a habri porta y zwaai e dama for di e auto. Polis y Recherche a yega rapido y a cuminsa busca e chauffeur. No a logra di encontra e chauffeur na su adres. Mientrastanto Ambulance a wordo pidi pa asina bin duna e dama asistencia medico. Un rato despues nos tin entendi cu e chauffeur mes a core bay warda di polis na Macuarima cu su pick up berde. Click read more pa mira mas imagen di e susedido.
|
|
|
ArubaSalsa cu bon deseonan pa 2009 |
|
Entretenimento
|
|
Monday, 05 January 2009 - 10:00 |
 ArubaSalsa ta sera nan prome
temporada di baile cu un ceremonia
di certificado, ta score un 9.3 den
encuesta y ta anuncia nan temporada
di baile nobo cu ta cuminsa 19 y 20
di januari na Noord y San Nicolas. Despues di nuebe siman ArubaSalsa ta caba cu nan prome temporada di
salsa y bachata pa localnan. E cursonan a wordo sera cu e partimento
di certificado pa tur e cursistanan cu a termina nan curso cu exito.
ArubaSalsa ta experencia nan prome temporada di baile pa localnan como
uno sumamente exitoso y nan ta satisfecho cu tur locual nan a realisa
den nan prome temporada. Na prome lugar nan tabata sumamente contento
y agradecido cu e animo di e pueblo di Aruba pa cu nan lesnan, como
cu varios cursonan tabata ‘sold out’ y te hasta mester a organiza
cursonan extra. Na di dos lugar nan tabata masha contento cu e resultadonan
di un encuesta hasi cu nan cursistanan. Click read more pa lesa mas.
|
|
|
Atraco y tiramento riba sospechoso |
|
Policial
|
|
Monday, 05 January 2009 - 05:43 |
 Atraco: Diadomingo anochi un grupo di hoben a atraca un turista. Segun nos por compronde nan a hasi e atraco aki cu un arma blanco. Den un tempo bastante liher polis a logra di pone man riba e hobenan aki den vecindario di Ponton.
Tiramento: Un grupo di tres persona a purba na comete un robo pero e security guard a logra topa cu nan den accion. Polis a presenta immediatamento y nan a logra di detene un di e sospechosonan. E otro sospechoso a resisti arresto y polis mester a hasi bastante esfuerzo pa por logra gare. Den tur e intento aki e polis a los un tiro di advertencia pero esaki no a yuda cu nada. Polis a haye ta tira e sospechoso den su curpa. E sospechoso a wordo transporta pa Hospital pa ricibi tratemento medico. Na e sitio por a mira personal di Landsrecherche cu den casonan ora cu Polis tira un persona ta tuma e investigacion over.
|
|
|
Homber a hinca turista den La Salle Straat |
|
Policial
|
|
Monday, 05 January 2009 - 00:00 |
 Den fin di siman a pasa un caso lamentabel di violencia pafor di un bar den La Salle Straat , serca di ex oficina di Dr. Angela Ta trata aki di un persona cu a hinca un turista masculino. Polis a logra di detene e meneer aki y bai cune warda di polis. Ambulance tambe a wordo pidi pa asina duna asistencia medico na e turista cu a keda herida. Mester pone enfasis cu e caso no a pasa paden di e bar.Click read more pa mas imagen di e susedido.
|
|
|
Melding di cas na candela na Piedra Plat |
|
Local
|
|
Monday, 05 January 2009 - 00:00 |
 Diferente informacion a drenta na central di brandweer informando cu
lo tin un cas na candela dilanti un panaderia na Piedra Plar. Despues a resulta cu no ta un cas pero un negoshi. Di biaha brandweer a manda 2 truck na e sitio pa asina
wak kiko ta pasando y pa combati e candela. Ora nan a yega nan a constata
cu huma tabata sali di e cura y tin un porta grandi cu nan tin cu kibra
pa drenta y wak di unda e huma aki ta saliendo. Nan a drenta cu slang
di biaha y a constata cu ta sushi den e cura y un drum cu tabata na
candela. Porta door di vuurwerk cu tabata wordo tira den e area esaki a sende candela. Dios
gracia cu no tabata nada grave. Nan a logra paga e candela sin problema. Click read more pa mas imagen.
|
|
|
Chauffeur bow influencia ta dal den taxi |
|
Policial
|
|
Monday, 05 January 2009 - 00:00 |
 Un homber bou di influencia a dal contra di un taxi net pabao di Manuelitos na e cruzada. E taxi tabata para y e auto aki a bin dal den
dje y despues kier a sigi core pero polis a yega na tempo pa asina
evita cu e homber bai. E homber kier a cana y bai laga su auto y nan a
logra detene. E tabata mustra di ta bou di influencia y nan a bai cune
pa haci test. E auto tambe a wordo hiba warda di polis cu un
takelwagen. Polis a tuma datos di e donjo di e taxi. Un rato despues polis a bin nota cu e chauffeur a dal den un cura tambe. Click read more pa mas imagen.
|
|
|
Diferencia den trato di gobierno pa cu barionan |
|
Politica
|
|
Monday, 05 January 2009 - 00:00 |
![ppa_benny_train_add_1 [Desktop Resolution].jpg](images/stories/news/2008/november2008/nov28/ppa_benny_train_add_1%20%5BDesktop%20Resolution%5D.jpg "ppa_benny_train_add_1 [Desktop Resolution].jpg") For di PPA a ricibi e sigiente comunicado. Anjas
largo centro comercial di San Nicolas mester di ajudo financiero pa
drecha su intra-structura e.o. pa ejecuta e propio projecto di Gobierno
(Sasakiplan). Pero
nada …nada…. Oranjestad ta ricibi e.p.. un suma di 15 miljon pa
infra-structura pa ejectuta projecto di down-town development group.PPA
ta sostene projecto di Oranjestad pero ta puntra gobierno unda e sosten
financiero pa e centro comercial di San Nicolas a keda ?Oranjestad
ta nos capital y merece atencion di gobierno…. Pero e projecto
sasakiplan di gobierno tin anas largo cu e ta cla y ta warda ejecucion. Click read more pa lesa mas.
|
|
|
Nagico a sera anja cu un gran pagara |
|
Social
|
|
Monday, 05 January 2009 - 00:00 |
 Mei mei di gerencia, empleadonan y algun invitado,
e compania di seguro cu mas a crece den aña 2008 a sende nan pagara
di fin di aña y asina despedi di e aña. Gerente di Nagico Insurances
Aruba, esta Drs. Detlef Hooyboer a yama tur presente danki pa e sosten
y confianza brinda durante aña y sperando di por conta cu e mesun apoyo
durante e aña nobo. Danki na e confianza di pueblo, di e banconan y
brokernan di seguro, Nagico Insurances Aruba por mira atras na un aña
di crecemento. Donovan Hooyboer, yiu homber di e gerente general di
Nagico Insurances Aruba a sende e pagara hunto cu Danilo Werleman di
Nagico Insurances Aruba N.V. Click read more pa mira mas imagen.
|
|
|
Meta Corp a tira pagara di 5 miyon tiro |
|
Local
|
|
Monday, 05 January 2009 - 00:00 |
 Un publico masha grandi a atende na e
tradicional evento di sendemento di pagara di MetaCorp. E evento a tuma
lugar bispo di aña merdia dilanti The Cinemas y a sigui ten a Louis
Vuitton. Presidente di MetaCorp, Eduardo de Veer a sende e pagara mei
mei di un cantidad di empleado di MetaCorp y su subsidiarionan. Prome
cu esey ela duna di conoce cu aña 2008 a cuminsa hopi bon pero na caminda
a cambia y a comberti den un aña menos bon. Projeccionnan pa e a aña
nobo aki no ta mucho alentador tampoco, sinembargo asina mes e compania
ta cla pa pasa dor di e aña. Eduardo de Veer a reitera cu tin inversionnan
pendiente y MetaCorp ta cla pa inverti tambe, mescos cu nan a haci den
pasado durante momentonan dificil.
|
|
