Simone Angel, e persona encarga di presenta MTV Europa pa varios aña y kende a sa di entrevista diferente artistanan grandi, manera U2, Brian Adams, The Prodigy, Tina Turner, Byonce y mucho mas pa menciona, awor na Aruba atraves di e frequencia di Cool 98.9 FM.

Despues di a biba 11 aña na London, presentando shownan di television manera Countdown, De Heetste plekjes van Nederland, Popstars y Megaman a hasi un cambio total y a move bai biba na Belize caminda Simone y su casa a sa di crea un famia. Na 2007 Simone y su casa despues di varios deliberacion a muda pa Aruba, caminda cu e mayornan di Simone ta bibando.

Na Aruba, Simone Angel a sa di bira e cantante principal di e grupo asina jama “RetroMatic” kendenan a hasi nan debut na Marinierskazerne durante e opendag anual. Na mesun momento tambe a sa di cuminsa na Cool 98.9 FM cu su mesun programa asina jama “The Weekend Express”. The Weekend Express ta un programa presenta na ingles combina cu hulandes cu ta consisti di musica, animacion, informacion y parti educativo, caminda cu Simone Angel lo bai ta siñando su oyentenan habla ingles y hulandes con pa papia papiamento. Simone lo bai ta recapitulando e ultimonan riba billboards di Germany, Hulanda y tambe Merca. Aserca Simone Angel lo bai ta informando su oyentenan di e propiedadnan di mas “hot” na Aruba por medio di e seccion asina jama “Real Estate Hotlist” y sin lubida ki tur movecion lo bai tin na Aruba durante e fin di siman andando.

Pues tur diasabra mainta por sintonisa The Weekend Express di 10’or di mainta pa 12’or di merdia atraves di frequencia di Cool 98.9 FM y tambe por sintonisa Cool 98.9 FM live via internet na www.coolaruba.com.

Pa haya sa mas di Simone Angel y su carera na MTV por bishita su web blog ariba http://simonesmusicblog.blogspot.com