E Parkeerplaats di Asociado tabata yena cu esnan buscando pa pasa bon diabierna anochi durante e Jump-In di Carnaval cu a conta cu Alberto Groeneveldt como emcee. E Jump-In di Carnaval a wordo organisa como un evento pa recauda fondo, diseña pa recauda asistencia financiero hopi necesita pa asociadonan cu miembronan di famia na Haiti, afecta enormemente pa e teremoto desastroso cu a tuma luga dia 12 di Januari.

E evento a ofrece cuminda y bebida na benta, cos dushi traha na cas y sopi delicioso combina cu un programa completo di entretenimento, y musica non-stop di Carnaval.

DJ mixing en bibo a haci cu e festividadnan a cuminsa den un ambiente di energia halto, y ora e banda local excelente Impak a yega e parkeerplaats riba su trailer di musica completemente ekipa, e fiesta mes mes a cuminda.

Alberto y e miembronan di e comision social a traha duro pa por haci e anochi un realidad. Nan a recluta sponsornan, a colecta premionan y a motiva tanto e huespetnan como e asociadonan pa ta presente.

Nos potretnan ta mustra e sorpresa di un dobel coronacion di reina, esta di un asociado, miembro di e departamento di PBX, Alexandra Werleman y un di e resort su huespetnan regular faborito, como e Reinanan di Carnaval. Tambe por mira e ganador di e competencia di decoracion di tee-shirt fantasia, miembronan di gerencia, y e miembronan di e comision di proyectonan comunitario. "Nos ta traha duro," segun Gerente General Joe Najjar, papiando cu un gran sentido di satisfaccion, "y nos ta hunga duro, pasando sumamente bon hunto, na trabou como tambe ora nos no ta trahando."

Aki por mira miembro di directiva Willie Mosconi & Gerente General Joe Najjar corona e realtesa di Carnaval, y e publico anima disfrutando di cada momento.

{gallery}noticia/2010/feb/lacabana{/gallery}