E pareha DJ - VJ. Daniela Bershan y Jonas Ohlsson procedente di Dinamarca y biba na Amsterdam, Hulanda ta e siguiente pareha artista cu lo dicta e workshopnan nobo na Ateliers '89 di DIBUHO Y PINTURA. Esaki ta prome biaha cu Ateliers '89 tin e honor di ta anfitrion di dos DJ - VJ, cu lo combina nan workshop cu musica. Esaki lo ta algo unico den su genero pa tur e amigonan y principiante na e workshopnan aki na Ateliers '89.

Den e simannan anterior nos a bin ta relata caba den prensa di e artista/maestro Daniela Bershan y e biaha aki nos lo pone atencion ariba e workshop di su casa Jonas Ohlsson.

 Workshop; PINTA MUSICA, pa Jonas Ohlsson,  Pintamento ta e medio di exprecion mas directo y cercano. E lapiz ta den e contacto directo cu e papel y bo conciente fluido por flota liber. No tin obstaculo technico dor di paro di tempo. Loke cu tin na bo mente bo por pone ariba papel directamente. Esaki ta diferente cu pelicula y video. Akinan bo tin cu trata cu e paro di tempo, e technica, e factilidad y cu e realidad cu por bin entre bo imaginacion y e resultado final. Ora bo ta pinta bo por keda hopi cerca di bo imaginacion, bo fluides y pensamentonan creativo. Esaki ta pa kiko pintamento ta e piesa mas efectivo pa un artista. Ta pa es motibo aki hopi artista ta keda pinta, igualmente ora nan actividad di mas importante ta traha pelicula.

 Musica tambe ta un medio cu ta evoka hopi pensamento, emocion y idea. Ta pa esei mi kier combina e practica di pintamento scuchando musica.

 Nos lo scucha muscia funk, experimenta, hunga y explora e posibilidadnan di dibuho. Y naturalmente lo nos papia di nos mes un tarbou y di otronan. Mas ainda lo nos tin lecturanan chikito y discucionan di loke  y kiko ta significa y traha arte. 

 Dia, Lugar Y Ora: E workshopnan aki lo cuminsa Dialuna 22 di Februari y ta pa un luna. Y lo termina ariba 18 di Maart 2010. E workshopnan lo ta anochi di 6.30 pa 9.30 y ta di Dialuna pa Diahuebs. Edad ta 14 aña pa riba. Bo por pasa y inscribi perosnalmente o yama su Direcetor Elvis lopez na Cel. 565 46 13 o na Tel. 588 577 6