Eagle Beach – E Arte di Servicio di Hospitalidad na La Cabana Beach and Racquet Club a subi rapidamente pa nivelnan mas halto, conforme cu e propiedad su vision ambicioso y excitante pa bira un Resort di Time Share Orienta Riba Servicio di Clase Mundial. Tur ekipo di departamento na e resort a desaroya un asina yama “frame work” pa sostene e vision aki, cual por a ser mira durante e dos dianan di vision, riba dianan 12 y 13 di juni den e resort su Sala di Conferencia.

Cada departamento a enfrenta e reto di describi su actividadnan y su Proceduranan Standard di Operacion corespondiente via un serie di exhibicion cu ta representa compromisonan di e departamentonan, nan metanan y logronan, tur di cual directamente ta sostene e resort su vision di clase mundial. Elementonan clave manera cooperacion, resultadonan, hermentnan pa midi desaroyo, storianan di exito, consistencia, articulonan di accion, reconocemento, premionan, encuestanan, comentarionan di huespet y presupuesto, tambe a conta como factornan, y presenta den kiosconan, reflehando servicionan cu ta wordo ofreci pa cada departamento y cada un individualmente decora segun su funcion.

Vision Days 2012, titula “Expedition World Class” a cuminsa na momento cu e gerentenan di e resort a baila riba e ritmo di “Goza Goza, I love La Cabana,” un hit cantica di e asociado Mathilde Benito, Reservations Department. E bailarinanan cada un a carga un pida di e puzzel di La Cabana, inscribi cu e compromisonan di e departamento, prome cu nan a incorpora nan pida orguyosamente den e puzzel super grandi di e resort.

Gerente General Joe Najjar a yama bon bini na e asociadonan di e resort y a gradici nan pa nan tantisimo contribucionnan na e exito di e Vision Days 2012. El a enfatisa e importancia di implementa procesonan y Proceduranan Standard di Operacion, y el a encurasha asociadonan pa bira activo den e ehecucion di esakinan, pa asina logra e metanan di e departamentonan y alaves e resort.

E examinadornan invita tabata Bianca Mezas y Leslie Prea, kendenan ambos ta expertonan den maneho di proceso, y a evalua e departamentonan pa nan presentacionnan y exhibicionnan, proceso y midimento, comparando metanan cu logronan actual.

E GANADORNAN a wordo anuncia pa Jessica Franken, Gerente General Asistente, na e clausura di e Vision Days, saliendo como e lider na prome luga, e Departamento di Housekeeping, cu Ingenieria siguiendo serca tras di nan na e di dos luga, y e Departamento di Recursonan Humano na e di tres luga.

E Ekipo di Eagle y su sub-comision di Vision Days a gradici Bianca Mezas y Leslie Prea pa nan tremendo cooperacion y recomendacionnan experto. Tur Gerente di Departamento y nan Asociadonan tambe a wordo gradici pa nan tantisimo contribucionnan na e evento exitoso cu a inspira hopi pensamento.