SETAR ta brinda su clientenan pa gana tickets pa mira e pelicula Spiderman den 3D na The Cinemas 3D.

Dia 2 di juli proximo lo saca e felis ganadornan. E premiere di e pelicula Spiderman 3D Movie lo ta dia 5 di juli proximo pa 7:30 pm na The Cinemas Paseo Herencia. E felis ganador lo gana 2 tickets di entrada plus 2 popcorn  of nacho chips hunto cu 2 refresco.

E storia di Spiderman ta di un hoben cu yama den e pelicula Peter Parker, bandona di chikito door di su mayornan y cria door di su omo Ben y tanta May.  Na school e ta un mucha isola y laga un banda mayoria bes door di su compañeronan. Manera mayoria adolescente, Peter ta purba di haya sa dicon ela bira e persona cu e ta awe. Peter tambe ta buscando su prome amor, Gwen Stacy (Stone), y hunto nan ta lucha cu amor, compromiso y secretonan. Mientras Peter ta discubri un tas misterioso cu tabata pertenece na su tata, e ta cuminsa riba un trayectoria pa purba compronde e desaparicion di su mayornan – hibando e directamente na Oscorp y e laboratorio di Dr. Curt Connors (Ifans), e ex-socio di su tata. Mientras Spider-Man ta bayendo den un combate cu e alter ego di Connor, The Lizard, Peter ta kies pa bai usa su podernan y forma su destino pa e bira un heroe.