Oranjestad – Un sala di come yena cu bishitantenan internacional, procedente di e cuater skinanan di mundo, a celebra e di 26 aniversario di Driftwood Restaurant e siman aki.

Bishitantenan for di Merca, Brazil, Colombia y Italia, hospedando na Renaissance, Bucuti y Westin, djis pa nombra algun, a uni nan mes na e miembronan di staff anima cu tabata brindando pa e exito continuo di un di e isla su restaurantnan mas stima.

E restaurant ta den e mannan di famia Merryweather pa mas cu un cuartal di un siglo, y mientras cu e sala di come a expande den transcurso di e añanan, hunto cu e menu, e factor di pisca fresco a keda mescos, ya cu Driftwood restaurant ta sirbi solamente e cuminda di lama mas fresco, mas recien pisca for di lama, unda nan tabata landa mainta trempan y ta wordo sirbi den e oranan di anochi, den su restaurant carismatico y bunita situa den e curason di Oranjestad.

E nomber y e decoracion  sigur ta sostene e tema di e restaurant. Palo di lama gasta y bon uza ta decora e murayanan di e salanan, acompaña pa glas di spiel, cocolishi, net di pisca, y articulonan maritime bieu cu no ta den uso mas.

Esnan cu ta biniendo Aruba pa hopi aña kizas lo corda cu Driftwood Restaurant a cuminsa cu solamente  8 mesa, y un menu skirbi na man, cual Francine Merryweather a diseña, incluyendo e logo. E klechinan di mesa tambe a wordo cosi na man, y e ambiente distintamente comodo y intimo, cual bishitantenan di e restaurant, tanto local como stranhero, a haya iresistiblemente encantador.

Ainda e ta mustra y ta sinti basicamente mescos, cu un calidad di pisca fresco cu no a cambia, y e hospitalidad ameno estilo Arubiano. E famoso sopi di pisca semper a keda mescos, basa riba un receta bieu di famia.

Driftwood su sopi di pisca ta wordo traha tur dia y sirbi yena cu Wahoo, Mahi Mahi y Jampau, como tambe un taki di basilicum, cual nos conoce aki na Aruba como yerba di hole, ta wordo cosecha eynan mes den e hardin. E miho manera pa disfruta di e sopi di pisca ta cu un pida di e restaurant su delicioso funchi, mas dushi ainda danki na manteca, of un pida di Pan Bati tradicional.

Na mando di e restaurant, Herbert, un restaurateur apasiona di e di dos generacion cu ta pone hopi importancia riba e restaurant su experiencia di cena, percurando pa cada un di su bishitantenan disfruta di nan cuminda completamente.

E menu di Driftwood restaurant ainda ta conta cu e cabaron mas grandi den lama, Pisca Fresco & Lobster Caribense, hasta pianan di Alaska King Crab, tur cushina den un variedad di manera sumamente dushi, cu konoflok y biña, curry y crema, den e estilo Crioyo tradicional, of estilo di ”blackened”, mientras cu tambe nan ta ofrece nan famoso platternan di combinacion, pa haci cualkier soño di amante di cuminda di lama bira un realidad.

Esnan cu ta gusta come carni tambe lo ta contento cu e restaurant su Black Angus beef steak, galiña y carne. Bishitantenan lo haya e Pasta Thermidor of hasta e Chicken Parmesan, dificil pa resisti.

E restaurant ta habri pa cena tur anochi, y si bo ta desea di gara bo mesun pisca pa come pa bo cena, acompaña e doño riba Driftwood I y Driftwood II pa un charter di mita dia of henter dia di deep sea fishing.

Feliz aniversario Driftwood restaurant!

Aki por mira e miembronan di gerencia y empleadonan dedica, brindando pa nan exito continuo.