Diahuebs 5 juli 2012 Tweede Kamer Hulandes a dicidi pa stop e construccion di Molina di biento industrial riba tera na Hulanda, pasobra nan ta desea di haña sa mas riba e consequencianan di e turibanan aki pa su bario. Esaki a sosode a base di un mocion di PvdA sosteni pa VVD, PVV en SP.

Nan ta desea pa tur e plannan di turbina industrial di biento wordo repasa mas profundamente den e proximo 6 lunanan. Tambe nan ta haña cu e provincianan mes mester tin mas derecho di dicidi tocante e ubicacion di e turbinanan. Den pasado Provincian tawata mag di tin inspraak riba decision solamente pa parkenan menos cu 100 megawatt.

E provincianan ta alivia cu e desicion aki pasobra nan ta trahando riba un vision structural propio con pa pone e turbinanan na un forma cu ta minimalisa medio ambiente di e bario y tambe nan ta desea menos cantidad di turbina industrial cu e plannan actual ta contene.

DONALD TRUMP- MOLINA DI BIENTO TA MATA TURISMO

E tycoon Donald Trump a adverti gobernantenan di Schotland cu nan “plan di expansion di e turbinanan di biento lo destrui Schotland su paisahe pa semper, y mata e industria turistico cu ta e sector solido di economia di e pais! (The Telegraph, April 17-2012).

E la sigui cita cu den su experiencia den industria turistico, vacacionistanan no ta desea di mira “monsternan industrial” construi den paisahe tipico of canti laman. Nan lo odia esei y scohe pa bai cu vacacion otro caminda! E biyonario a bisa cu e ta rabia cu e Prome Minister di Schotland ta forsando e plannan sin oido na su pueblo afecta, y si e tabata sa cu esaki lo pasa e nunca lo a invest den un golf-resort na Aberdeenshire.

E critica di e magnato a bin a causa di Schotland su plannan di proyecto di turbina industrial di biento pa cumpli cu nan meta imponi pa na 2020 nan electricidad ta 100% for di recurso renobabel. Mescos cu awor na Aruba.

Ademas e ta yama e plannan aki “financial suicide” como cu turbina di biento ta tambe un sacrificio di investment astronomico cu ta rekeri subsidio “publico” den un forma of otro, anto pa e ganashi financiero bai pa economia den exterior, caminda e turbinanan ta wordo traha.

PETICION NA PARLAMENTO:
Considerando cu: na Hulanda Tweede Kamer diahuebs ultimo a para construccion di turbannan di biento riba tera na Hulanda pa por profundisa mas den conocemento riba e impacto den nan medio ambiente;  y Aruba su economia tambe ta depende riba  e pilar di turismo; y cu e plan di turbina di biento na Urirama ta sacrifica ultimo paisahe tipico puro di Aruba y ta sacrifica e ambiento sereno di Kapel Alto Vista cu ta un “iconic –tourist site”, herencia religioso cultural (e cuna di religion Christian na Aruba); y cu tin numeroso objeccion encontra e proyecto na Urirama di instancianan y pueblo di Aruba incluso pa residentenan di vecindario di Urirama:

Save Alto Vista ta hasi un petition na Parlamento pa pone un stop expansion di turbina industrial commercial di biento “Parke Urirama”, cu e proposito pa WEB / Gobierno hunto cu stakeholders, NGOs, y pueblo/residente di barionan, pa studia  mas profundo con pa yega na un “carbon free” – island den 10 aña y hunto formula un vision structura pa aumentacion di energia renobable na Aruba, den forma apropia pa nos isla cu ta causa impacto negativo minimo riba nos medio ambiente y turismo.

Save Alto Vista
www.savealtovista.com
savealtovista@gmail.com
www.facebook.com/savealtovista