Diaranson mainta 11 di juli a tuma luga e Conferencia di Prensa di The Brute Racing Team pa anuncia e regreso di monster trucknan na Aruba, despues di 12 aña na Aruba. Ariba dianan 26 – 27 – 28 di oktober,  fuera di Big Foot, lo tin 5 otro monster truck:  Holman’s Beast, Starmarshal, Chalkboard Chuck, Ironman y Avenger.

Tin dos monster truck di Big Foot y publico mag di escohe cua di nan dos nan kier mira. Pa haci esei bo tin cu subi riba facebook y busca “ The Return of Monster Trucks in Aruba 2012”. Eynan bo por “like” e modelo cu bo kier mira. Pa entretene publico grandi y mucha lo tin un payaso cu ta haci yen di locuranan cu su auto riba e veld di Mansur Ball Park. Tambe lo tin talentonan local cu ta bay haci stunts cu nan auto.

Parti di e campaña lo ta un competencia di pintamento pa muchanan. Otro parti ta pa conscientisa hobennan pa medio ambiente: Un campaña di reciclahe. Muchanan por haña nan carchi dor di busca blekinan bieu, botternan y otro material cu ta haci Aruba sushi.

Main sponsor Insel Air tambe tawata tey pa expresa con contento nan ta pa motiva hubentud pa ta mas consciente pa nos medio ambiente. Aruba ta cla pa” E Regreso di Monster Truck?”