Noord – Aruba su Fiesta di Cocktail di Gerente mas anima ta tuma luga na Caribbean Palm Village Resort, unda cu e departamento di actividadnan ta organisa eventonan dibertido pa e bishitantenan, incluyendo musica y bailamento, como tambe hopi competencia loco y creativo, diseña pa entretene mientras cu nan ta disfruta di cocktails, tur diamars atardi.

E resort tambe ta parti reconocementonan na huespetnan regular di termino largo durante e fiesta aki, expresando su gratitud na esnan cu ta hospedando na e resort for di e cuminsamento, esta binticinco aña pasa.

Aprecia e siman aki, Sr y Sra Donald Lee, amigonan y fanaticonan di Aruba cu a bishita e isla casi tur aña pa e ultimo cuartal di siglo, actualmente kedando pa dos siman. Donald Lee, kende recientemente a baha cu penshun, procedente di NY, ta raporta cu e tin un invitacion habri pa amigonan y miembronan di famia pa bin relaha hunto cune akinan, durante un tempo bon mereci di sosiego y recreacion. El a para pa saca un portret conmemorativo hunto cu Gerente General Interino Astrid Muller y Tesorero di e Hunta di Directiva, Randy Croes.

Caribbean Palm Village Resort ta celebrando su aniversario durante henter e aña aki. Como un propiedad di timeshare, Caribbean Palm Village Resort ta disfruta di e lealtad di hopi bishitante regular, kendenan a cumpra e unidadnan di timeshare ora e luga tabata bou di construccion ainda, poniendo nan confiansa den e resort y birando doñonan, algo cu a rekeri vision y curashi y cu a saca su frutanan na un tremendo manera den transcurso di e añanan.