KNVB conhuntamente cu Arubaanse Voetbal Bond ta cla cu e preparashon pa e grandioso voetbalkamp patrosina pa KNVB cu lo cuminsa 16 di juli próximo.

KNVB, durante su bishitanan na Aruba y combersashonnan cu AVB a realisa cu futbol ta birando un sport hopi popular entre nos muchanan. Cada bes mas mucha homber y mucha muher ta kies pa hunga futbol. Pues despues di un voetbalkamp exitoso anja pasa, KNVB y AVB ta organisa esaki un biaha mas.

Durante e voetbalkamp aki, e entrenadornan den un manera creativo y divertido lo sinja e muchanan hunga futbol y lo duna tips con pa hunga mihor. Participacion ta completamente gratis. Muchanan di 6 te cu 17 anja por participa. E voetbalkamp lo tin un durashon di 3 dia cada uno y ta como lo siguiente:

Kamp # 1:
Fecha: 16 – 17 – 18 juli 
Ora Grupo 1: 9:00 am – 12:00 pm
Ora Grupo 2: 4:30 pm – 6:30 pm

Kamp #2
Fecha: 19 – 20 – 21 juli 
Ora Grupo 1: 9:00 am – 12:00 pm
Ora Grupo 2: 4:30 pm – 6:30 pm

Ta bai tin varios coach pa sinja nos mucha muhernan y mucha hombernan na un manera creativo con pa hunga futbol y tambe duna tips pa hunga futbol mihor. Mayornan y muchanan mester simplemente yena e formulario di inscripcion cu ta obtenibel na Oficina di Arubaanse Voetbal Bond (Shaba 24) y entrega esaki. Na momento di inscripcion, ta importante pa senjala den cua kamp ta desea di inscribi. Durante e voetbalkamp muchanan mester corda bini cu panja sportief y keds.

KNVB y AVB ta invita tur mucha cu ta desea di participa pa inscribi. Pa cualquier informacion adicional por jama AVB na telefon 5877357 of manda un email na avbaruba@hotmail.com. 
AVB conhuntamente cu KNVB ta spera di por conta masalmente riba participacion di tur nos muchanan.

No laga e oportunidad aki pasa pa sinja hunga futbol den un manera creativo y divertido.