Dialuna a cuminsa cu un cantidad di mas o menos 165 mucha cu tabata tey for di mainta tempran na Sport Centrum San Nicolaas pa participa na e diferente weganan cu IDEFRE (IBiSA) a prepara. Meta di e dianan aki ta pa entretene e muchanan durante temporada di vacantie escolar.

E promer dia tabata den cooperacion cu e "Team BoBario" cu desde tempran a cuminsa cu e weganan di Pannabol.

Aki Prome Minister Mike Eman den presencia di Minister Mike de Meza a scop e prome bala y wega por a cuminsa. E hobennan tabata superentusiasma. E dia siguiente e muchanan hunto cu e gran cantidad di lider y instructor a bishita e Piscina di San Nicolaas y e trecer dia a bay cu Bus y bishita varios lugar riba nos isla. E siguiente dianan lo ta na Parke Jaburibari cu weganan recreativo y na final di e siman cu weganan recreativo na Baby Beach.

IBiSA (ex IDEFRE) ta mira cu den nos comunidad tin un gran necesidad, di programa asina durante di vacancion pa e hoben cu no tin e oportunidad pa viaha pa exterior. Y IBiSA ta haci un compromiso pa e programa vacacional bira mas grandi e siguiente aña.

Pa mas potret di e “Programa Vacacional SNSC please click:

http://deporteturdia.com/best-photo/Programa-Vacacional-na-SN-Sport-Centrum-y-Ministernan-a-hunga-e-wega-di-Pannabol

http://deporteturdia.com/best-photo/Programa-Vacacional-San-Nicolas-Sport-Centrum-day-2-and-3