Oranjestad – Lucianette Verhoeks, nos Miss Aruba, kende lo representa nos isla den e certamen di Miss World 2012 na Ordos, China, a ricibi su make-up kit di REVLON, incluyendo tur producto di makiyahe y beauty tools cu e lo tin mester pa cu su presentacion na e certamen internacional.

Lucianette, un mucha muher hopi bunita y inteligente a aserca Aruba Trading Company, distribuidor di REVLON na Aruba, promer cu su viahe pa China, ya cu lamentablemente e no tabata tin e productonan di makiyahe di calidad pa su presentacion na Miss World 2012. REVLON, líder mundial den e mundo di beyesa, na mes un instante a duna Lucianette tur e apoyo y respaldo cu e tin mester pa e por representa nos isla debidamente y cu productonan di makiyahe duradero y di e calidad halto cu REVLON so por ofrece.

Desde su inicio REVLON a wordo representa internacionalmente door di e hende muhernan mas bunita di Hollywood, manera Audrey Hepburn, Salma Hayek, Cindy Crawford, Halle Berry y Jessica alba pa menciona algun. Como nos embahadora di beyesa, Lucianette lo representa Aruba den exterior, cu e confiansa necesario, sabiendo cu e tin cu ne productonan di REVLON.

Durante un presentacion na Cellar 23, Lucianette a ricibi un check di Afl. 1.000,- for di Sra. Ana Maria Ramirez, Retail Marketing Manager di Aruba Trading Company y su make-up kit cu tur producto necesario pa su viahe. Adicionalmente Lucianette tambe lo usa productonan di REVLON durante henter aña 2012 cortesia di REVLON mas e asesoría di profesionalnan di beyesa, manera Andrew Curiel. REVLON y Aruba Trading Company kier a desea Lucianette hopi suerte cu su presentación na China cual lo culmina cu e certamen di Miss World 2012 dia 18 di augustus.