Oranjestad – Como celebracion di su 50 aniversario cu Caribbean Hotel and Tourism Association a wordo funda, un bunita buki a ser traha recordando e ultimo 50 anja nan di e historia di e industria di hotel y turismo den Caribe.

Den e buki tin personahenan hopi importante den e mundo hotelero, y entre nan por encontra mr. Ike Cohen, mr. Ed Malone y mr. Ewald Biemans, tur di Aruba, e buki ta contene hopi potret y storia masha importante di e ultimo siglo.

Den e potretnan aki por aprecia mr. Jim Hepple entregando e buki cu ta hiba e titulo di "The Caribbean From Pirates to Hoteliers" na Minister Oduber. E buki ta ser exhibi na oficina di AHATA cu por wordo cumpra pa solamente 39 dollar plus entrega.

Pa mas informacion please yama oficina di AHATA na 582-2607.