Palm Beach – The Casino na Radisson ta orguyoso di por introduci e Jackpot Misterioso, cual ta un promocion nobo y excitante. E Jackpot Misterioso por cai na cualkier momento, sorprendiendo hungadornan di e slot mashinnan cu placa inespera!

Imaginabo cu bo ta hungando na e casino, sinta na bo slot mashin preferi, y diripiente e belnan ta cuminsa zona paso bo a caba di wordo premia cu un Jackpot Misterioso, hasta sin cu bo tabatin un combinacion ganador.

Miho cu tur cos, e Jackpot Misterioso por cai na cualkier momento, riba cualkier mashin, si bo djis sigui hunga cu bo carchi di miembrecia di Winners’ Circle hinca den e mashin, bo por bira un di e ganadornan di e Jackpot Misterioso na e casino, cu un premio di $250 na cash!

Chantal Cha Young, Coordinador di Benta & Mercadeo di Casino, ta raporta cu e Jackpot Misterioso ta cai dos of tres biaha pa dia, na cualkier ora, y durante e prome siman, 19 Jackpot Misterioso a wordo parti na e casino entre ganadornan deleita. Aki por mira algun di e caranan sorprendi y contento.