Tin lugar ainda pa mas cabayero pa asina completa e totalidad cu nan ta desea. Ta haci un yamada na nos comunidad cu e aña aki atrobe ta ripiti e Parada Cultura den e bario di Brazil dia 2 di september 2012. E parada Cultural aki ta bira uno tradicional caminda tur aña esaki ta tuma lugar en-coneccion cu dia di Brazil.

Ta for di basta tempo caba e comicion di Centro di Bario Brazil ta ocupa cu e gran actividad aki caminda cu bario di Brazil ta di fiesta. Tin varios grupo rond Aruba ta den pleno preparacion pa conhuntamente uni y celebra un dia asina importante pa Aruba. Specialmente pasobra dia 2 di september ta uni y celebra “Dia di Brazil “ hunto cu e comicion di  nos mama di cultura, Sra. Bernadina Growell-Kock (q.e.p.d).

“Grupo Antaño” ta casi cla pero tin mester di mas cabayero pa completa  e totalidad cu nan ta desea. Haci esaki prome cu dia 31 di juli. Pa mas informacion por yama Sra. Chichi Croes na tel. 5848773 of Sra. Lucia Martijn na cel. 5677192.