Oranjestad - Diaranson anochi un cantidad grandi di invitadonan y publico general a forma parti di e bautismo di e CD nobo “ Saca Dollar riba nan “ di Upgrade Music . Grupo cu ta dominando den popularidad tanto riba nos Isla Aruba como na nos hermana Islanan Corsou , Boneiro y como tambe Hulanda . Iluminami Record y Upgrade Music a sa di pone den otro un produccion espectacular riba un CD pa asina complace tur esnan cu ta aprecia y sostene nan musica . Confession Night Club a bira e centro di atencion riba diaranson anochi caminda cu Upgrade Music y su invitadonan Internacional a rementa e luga for di otro cu un presentacion sublime pa celebra e lansamento di nan CD nobo. Presente a anochi aki tabata entre otro MC Chris Strick ( Korsou ) , DJ Yeimy , DJ Speedy y DJ Big Rig pa asina haci di e anochi aki uno di excelencia. Padrino di e CD a keda en persona di MC Chris Strick y Madrina Clarissa Arrindel den representacion di Big Wheel Lottery. E CD aki ta consisti di 18 cantica cu ta pronostica di awor caba como exitonan grandi sin cu nan a subi mercado ainda. For di Diahuebs juli 26 ’12 den ora di merdia e CD aki lo ta riba mercado na CD’s & More , Dragon CD and Electronics y na Elite Productions . Sin duda Upgrade Music lo kier a gradici tur esnan cu a forma parti di e anochi aki y haci esaki posibel , un danki hopi grandi ta bay na e sponsornan  cu ta kere den nan talento , cual ta : Big Wheel Lottery , Polar Beer , Aruba Trading y su producto Hennessy , Inspired Media Solution , Xtreme Productions pa video Producions , Elite Production & Entertainment , Tropicana Resort cu a transforma nan Suite den un studio di grabacion , Michael Salazar di MYQL Photography , Tiera Del Sol pa alocacion di nan Photoshooting , Sr. Mahtani pa e training studio ,Tur locutor na Radio cu ta toca y sostene e canticanan di Upgrade Music, Sr. Robert Thiel pa su studio di grabacion , na tur mayornan di cada miembro di banda pa sostene talento di cada un di nan yiunan y poniendo e atencion final na e forsa tras di triunfo y exito di Upgrade Music , gradiciendo DIOS Tata todo Poderoso pa e bunita don di talento cual ta e guia tras di cada paso cu nan ta tuma. Pasa cumpra bo CD for di diahuebs en adelante pa asina bo mes por ta parti di e exito di e produccion nobo aki.