Camacuri – Como un manera di yama danki na e pueblo di Aruba pa e aceptacion y pa marca su prome aniversario den e mercado local, Garage Cordia Aruba ta lansa un campaña pa su auto BYD F0. Durante e proximo tres luna, tur hende cu cumpra un auto BYD F0 lo ta den wega pa haya esaki completamente gratis. Asina a keda anuncia diaranson ultimo dor di representantenan di Garage Cordia Aruba durante un conferencia di prensa na e showroom na Camacuri.

Cuminsando dia 1 di augustus te cu 31 di oktober cu e compra di un auto BYD F0 na Garage Cordia Aruba, bo nomber ta bay riba un lista ubica na e agencia mes. Entre e 15 personanan riba e lista aki, lo saca un ganador. E persona ey lo haya sea su placa bek, of e balor di e auto paga bek na e banco local caminda el a haci su financiamento, asina Luisa Monsalve, di e departamento di mercado a splica na miembronan di prensa.

Si esey no ta suficiente, Garage Cordia Aruba ta duna bo mas! Cada persona cu cumpra su auto BYD F0 nobo na Garage Cordia Aruba, ta ricibi automaticamente un certificado na balor di 500 florin pa haci compras na cualkier di e tiendanan Totto na Aruba. Esaki ta un beneficio adicional di gran balor, sea pa bay bek scol of busca cualkier articulo di calidad di e marca aki. Pero pura pasobra tin un cantidad limita di 20 certificado.

E modelo F0 di e marca BYD, obtenibel solamente na Garage Cordia Aruba, ta un auto cu estilo, chikito den tamaño, pero grandi den economia. E tin un interior deportivo, siguridad integral y specificacion y acesorio na bo smaak respalda pa un tremendo departamento di servicio. BYD F0 ta e miho opcion pa esnan buscando un auto cu tin emision abou, tiki consumo di gasolin, pero tur e poder y estilo moderno.

Pa mas informacion por haci un bishita na e showroom di Garage Cordia Aruba na Camacuri caminda su personal experto y amabel ta cla pa satisface tur pregunta.