Diahuebs dia 2 di augustus Kevin Nash a hasi un recorrido rond di Aruba promoviendo e magno evento Caribbean Wrestling Bash. Un di su prome stop nan tawata na Joe Laveist Ballpark caminda ASU a organisa un tremendo sportkamp.

Kevin Nash cu kier a duna un sosten pa e proyecto bunita aki a gosa un mundo y a pasa un rato hopi ameno cu e mucha nan. E bishita di Kevin Nash na Joe Laveist Ballpark tawata den un ambiente hopi alegre y e mucha nan a hanja un bon oportunidad di conoce e Superstar grandi y largo aki mas di serca.

Kevin Nash tawata masha contento y no a imagina tanto mucha cu interés pa e Caribbean Wrestling Bash. Hopi di e mucha nan, mayor y instructor nan a hanja e oportunidad di saca un potret cu Kevin cual sigur sigur lo ta un recuerdo inolvidable.

Dianan 7, 8, 9 di september, Aruba completo ta invita pa e Caribbean Wrestling Bash – The Legend Tour cu lo tuma lugar den Joe Laveist Ballpark. Pa mas informacion por tuma contacto riba Facebook: Caribbean Wrestling Bash Aruba of Website: www.cwbaruba.com