Dia 25 di augustus 2012 pa prome biaha e cantante Reykon "El Lider" lo ta na Aruba den un evento cu Enmeris, DJ 101 y DJ Diablo den Nikky Beach.

Reykon "El Lider" ta un artista di e genero Urbano na Colombia y ta bin for di Medellin. E la logra posiciona su mes como un di e artista nan mas solido den e industria Colombiano; poniendo tur su cancion nan na posicion numero un den ful e pais. Tambe a colabora cu artista nan Internacional hopi famoso manera: Daddy Yankee, Pipe Calderon, J. Alvarez y J. Balvin.

Reykon na e momento nan aki ta on top of his game, dus e demand pa cu e artista ta basta grandi; kiermen cu tur su concierto nan na Colombia como tambe Venezuela ta sold out, y por bisa cu e luna aki lo e ta den concierto na Miami, Venezuela y tambe Aruba.

E cantante ta excited pa bishita nos isla ya cu ta prome biaha cu lo e ta na Aruba, y lo keda un paar di dia extra pa bishita nos radio nan local.

Por bisa cu e anochi aki nos lo tin Enmeris tambe ariba stage, Enmeris ta un artista Dominicano cu a residencia pa basta tempo na Corsou y a cosecha hopi exito na Corsou, Aruba y Boneiro. Tambe por bisa cu e la duna diferente presentacion na Hulanda y tawata opening act pa varios artista hopi conosi.

Su cantica nobo ta un hit na tur radio station y a duna varios presentacion na Aruba, caminda cu tur tawata bon bishita.