Pa medio di e comunicado aki, Arubaanse Voetbal Bond kier anuncia, cu mirando cu pa culpa di hopi contratiempo, no por caba cu e campeonato di Junioren completamente y pues lo adapta e schedule, pa finaliza e campeonato, promer cu e ultimo fecha pa haci petición di transferencia di hungador.

Claro cu AVB ta pidi su disculpa pa e situación aki, cu no tawata completamente den nos man, pero sigur nos lo haci un máximo esfuerzo, pa esaki no ripiti su mes.

E schedule adapta, ta como lo siguiente:
Diaranzon 8 augustus 7:00 pm Ganador
Na RCA, Dakota vs RCA A
Bubali, Bubali vs Estrella B
Britannia, Nac./Washington vs Britannia C

E ganadornan aki, lo hunga contra otro y esun cu mas punto, lo sali campeón y claro esun na di dos, lo ta sub campeón división Junioren AVB 2011/2012

E schedule pa e play off/final aki, lo ta 10, 12 y 14 augustus y lo hunga respectivamente ariba e fechanan ey, ganador  A vs B (7:00 pm), B vs C ( 5:00 pm ) y ultimo wega  lo ta A vs C ( 7:00 pm ) tur esaki nan, lo tuma lugar na Centro Deportivo Frans Figaroa, Noord.

Tambe AVB kier a recorda tur su miembronan, cu ultimo dia di haci petición pa transferencia lo ta 15 di augustus próximo, tene bon cuenta cu e fecha aki.

Por ultimo AVB kier a invita e fanatico di bon futbol, pa bin apoya nos jovenan y disfruta di e ultimo campeonato pending pa cu 2011/2012.