MbdR edicion Miss World ta un programa cu Informacion y Historia di nos Miss Aruba den competecia di certamen di belleza local y international. E programa MbdR lo ta antesala un (1) dia prome cu e certamen MISS WORLD 2012 cu ta tuma lugar na Mongolia -China. Durante e programa aki nos lo papia tocante e preparacion di Miss Aruba, Lucianette Verhoeks.

Tambe nos lo recorda nos Miss Aruba nan cu yega di participa den e certamen di Miss World, y lo papia di e preparacion y participacion den añanan 80 y 90. Entre otro tin entrevista cu un diseñador. Un experto lo papia con pa mantene pa un curpa perfecto, y tambe entrevista cu un mondhygienist.

Mi a Bisti di Reina edicion MISS WORLD ta wordo presenta pa Valery Labadie ex reina di belleza.

Miss Aruba nan a hasi historia door di participa y representa nos Pais Aruba den exterior. Promocion cu nan ta hasi pa nos pais ta impagabel. Miss Aruba mester keda wordo honra pa nan excelente trabou y e promocion cu nos pais a ricibi.

Miss Mundo no ta un simpel competencia di Beyesa, mas bien e ta un competencia unda trabounan caricativo ta hunga un rol hopi importante. E representante di Aruba mester practica e trabou caricativo aki na Aruba prome e bay den exterior y por presenta esaki riba DVD, potret, y recorte di corant.

Actualmente na Aruba organisadornan ta enfoca mas riba beyesa y no ta enfoca riba e parti caricativo como un punto di prioridad.

Treciendo e informacionan corecto nos ta concientisa e pueblo e preparadornan y na e damas nan cu tin deseo di participa.