Noord – Caribbean Palm Village Resort ta celebrando su di 25 aniversario e aña aki, reconociendo doñonan cu a cumpra unidadnan di timeshare prome cu nan a cuminsa construccion, cu e confiansa cu na momento di nan regreso e siguiente aña nan lo encontra un bunita resort tropical cu piscina, unda antes nan a mira solamente un buraco den e tera.

Sr. y Sra. Alton Flemming, Sr. y Sra. Dino Zaino y Sra. Mary-Jane Parlow a wordo presenta cu bunita plakkaatnan conmemorativo durante e fiesta di cocktail di gerente di e siman aki, mientras cu Jane y Grover Soohoo a wordo presenta cu esun di nan mas despues den e siman.

Gerente General Interino Astrid Muller y Tesorero di e Hunta di Directiva Randy Croes a para hunto pa un oportunidad pa saca portret hunto cu e honoradonan, kendenan ta corda un sitio di construccion, cu cabritonan canando rond di e bario. Asina mes nan tur ta di acuerdo cu nan tabatin un bon presentimento tocante e luga, ora cu nan a wordo presenta cu e opcion pa cumpra nan unidad, y nan no a pensa dos biaha ora di tuma e decision pa bira doñonan di un time-share na Aruba.

E pareha Flemming, for di Maryland, ta casa pa 52 aña, y actualmente ta riba e isla cu seis miembro di nan famia, hospedando na e resort pa por lo menos 3 siman. Sra. Alton ta encanta cu e ambiente relahante y e hendenan, mientras cu su esposo ta aprecia tur cos, aunke cu e hospitalidad di e hendenan di Aruba ta motibo #1 dicon e famia ta keda bin bek, e ta comparti.

Mary Jane Parlow ta pasando su vakantie riba e isla pa e ultimo 40 añanan, y ta sinti su mes na cas, mientras cu Diana Zaino, for di Connecticut, ta bin tur aña hunto cu 3 di su amigonan, y e ta encanta e ambiente di e isla.

Aki por mira algun momento di e Fiesta dibertido di Cocktail di Gerente, hunto cu miembronan di e ekipo di maneho di Caribbean Palm Village Resort.