Oranjestad – Ciclovia un evento organiza pa encurasha e comunidad di Aruba pa move y biba mas saludabel awor lo ta tur diadomingo. Ciclovia su mission ta pa ofrece un espacio unda localnan por participa den actividadnan recreacional libremente durante nan tempo liber pa asina un dia por yega na un comunidad activo contento y saludabel. Tur diadomingo Ciclova lo intercambia entre e dsitricto di San Nicolas y Oranjestad pa asina ofrece un caminda liber di trafico pa tur famia por bin pasa un dia agradabel hasiendo ehercicio of hungando weganan recreativo.

Riba e diadomingo nan aki pueblo por spera un caminata, un ruta cu un bike tour pa muchanan, y un ruta un poko mas largo pa un bike tour pa hende grandi. Tur siman e rutanan aki lo cambia pa asina pasa den diferente barionan di nos isla. Tur diadomingo dependiendo di e siman sea dilanti Joe Laveist Sportpark pa e districto di San Nicolas of dilanti oficina di ATA pa e districto di Oranjestad lo tin un ruta sera unda cu tur hende lo por bin cu nan bicicleta, rollerblade, skateboard, jog, cana of core auto pet y hasi uso di e oportunidad aki cu e caminda ta sera. Tambe lo tin weganan recreativo manera pannabol, volleyball, y otro diferente weganan recreativo pa mantene tur mucha ocupa.

E diadomingo aki Ciclovia lo ta den e districto di Oranjestad y siguiente siman lo ta na San Nicolas.

Tur hende bin join nos pa asina nos crea un comunidad activo contento y mas saludabel. Tur hende ta encurasha pa hunta sunblock, bin cu nan boter di awa y come bon promer cu Ciclovia.

Pa mas informacion riba e rutanan bishita e fanpage riba Facebook cual ta: www.facebook.com/cicloviaaruba of yama IBISA na 5824987.