Noord – Caribbean Palm Village Resort ta celebrando su di 25 aniversario e aña aki, reconociendo doñonan cu a cumpra unidadnan di timeshare prome cu construccion, mas cu un cuartal di siglo pasa.

Jean Soohoo ta corda cu el a ricibi un yamada anochi laat den cual Grover a bis’e cu el a cumpra un unidad di timeshare na Caribbean Palm Village Resort na Aruba, y na momento di su regreso bek pa Merca el a mustr’e un portret di un piedra, esta esun cu tabata sali di tera banda di e front desk y cu te cu awendia por ser mira na e mesun luga!

Mientras cu el a zundra Grover pa tira placa afo, despues el a pidi su disculpa, paso e siguiente aña nan a regresa pa e isla pa encontra un bunita resort, cual nan ta bishitando desde e tempo ey cu yiu homber Derek, tur e añanan aki.

Gerente General Interino Astrid Muller a para hunto cu e honoradonan pa un oportunidad di saca portret, dunando nan pabien cu nan aniversario na Aruba, y gradiciendo nan pa nan lealtad na e isla y su hendenan!