Oranjestad – Renaissance Mall continuamente ta mehorando su seleccion y e experiencia di su bishitantenan cu un seleccion creciente di tiendanan di alta clase y luganan di come. Den e ultimo lunanan aki, Renaissance Mall, situa den e curason di Oranjestad, a yama bon bini na marcanan internacional prestigioso manera Yves Rocher, Guess Kids, y Ci Gusta!

Funda na 1959, Yves Rocher ta un marca di beyesa y cosmetica internacionalmente reconoci cu ta presente na mas di 88 pais riba cinco continente. Yves Rocher su laboratorionan principal ta situa na La Gacilly, Francia, unda e compania ta enfoca riba ‘Beyesa Botanico’, identificando y studiando mas di 1100 ingrediente botanico cu ta forma e ingredientenan activo den su productonan. Cu su mesun tienda di marca situa den e Renaissance Mall, Yves Rocher su liña di productonan pa cuido di cutiz, makiyahe, fragancia, curpa, cabei y proteccion di solo sigur lo crea henter un armada nobo di fanaticonan riba e isla.

Papiando di moda, Guess Kids ta prueba cu nunca bo ta mucho hoben pa disfruta di e ultimo estilonan. E tienda ta yena cu estilonan sensacional pa babynan, muchanan chikito y hobennan. Esnan cu ta gusta e diseñonan iconico di Guess sigur lo gusta e oportunidad pa bisti nan chikitinnan den e ultimo estilonan di e cas di moda internacional.

Finalmente, serando e grupo di luganan nobo na Renaissance Mall ta e Gelateria Italiano Ci Gusta! Ci Gusta! ta combina artesania Italiano cu ingredientenan di alta calidad, servicio eficiente y sabornan simplemente delicioso pa asina crea gelato y cos dushi autentico y dushi. Gelato Italiano ta traha pa ta menos pisa y mas saludabel cu ice cream tradicional, sin sacrifica e sabor. E ta e snack refrescante perfecto pa caba un dia di hacimento di compras.

Renaissance kier a yama bon bini na e marcanan aki, cualnan ta uni nan mes na e lista ya caba extensivo di marcanan internacional prestigioso cu ta inclui Rolex, Cartier, Chopard, Louis Vuitton, Bulgari, Gandelman, Jewelers Warehouse, Colombian Emeralds International, David Yurman, Tag Heuer, Gucci, Ralph Lauren, Custo Barcelona, Guess,  Coach, Carolina Herrera, BCBG, Maxazria, Lacoste, Furla, Longchamp, Kenneth Cole, Calvin Klein, Diesel, Hilfiger Denim, Aldo, Ermenegildo Zegna, Juicy Couture, Adolfo Domínguez, La Martina, Façonnable, Vilebrequin, Dufry, EPK, como tambe marcanan local Eva Boutique, Entre Nous, Sunspecs, CocoSol, Monalisa y Aruba Aloe. Haciendo un bishita na Renaissance Mall un experiencia total ta e seleccion di luga di come y restaurant cu ta inclui  L.G. Steak & Chop House, Aquarius y Starbucks. E conteo pa e apertura di e boutique nobo di Michael Kors y Carpediem Restaurant a cuminsa. Nan lo ta habriendo den e Renaissance Mall na final di e zomer aki.