E causa di e problema di respiro? Un pida Lego rondo cu probablemente a pega den su nanishi ora e tabata tin tres (3) aña di edad. Esey ta lo cual su tata, Craig Lasson, ta pensa ya cu ta mas o menos di e tempo ey su yiu tabata tin dificultad pa hala rosea.

E tata a laga sa di ta sinti su mes hopi malo tocante e situacion. Su yiu homber Isaak tabata drumi boca habri pa e por a hala rosea pero asina mes cu hopi esfuerzo. Nan a bai diferente dokter cu a hasi check up na su nanishi pero nan a djis prescribi antibiotica.

Pero, siman pasa un dokter nobo a ripara cu tabata tin algo pega den e nanishi y a puntra e tata y e mucha homber kico e lo por ta. Isaak a admiti di a pone spaghetti den su nanishi pero cu esey ta hopi tempo pasa caba.

Pero e dokter a bin haña sa cu no ta pasta tin pega den su nanishi, si no un pida Lego rondo style di un wiel.

E dokter mes ta kere cu e lo a dobla e wiel (ya cu e wiel ta flexible) y cu e wiel a habri bek den su nanishi y a keda pega den su sinuses.

Aunke Craig Lasson tabata hopi preocupa na es momento cu e la realisa cu a tarde tres (3) aña pa haña sa cu ta un pida Lego tin pega den nanishi den su yiu homber. Aworaki e ta hopi feliz di wak cu su yiu por come y drumi hopi mas mihor.