Palm Beach – The Casino na Radisson ta deleitando hungadornan di e slot machin nan cu Jackpotnan Misterioso cu ta sigui cai na momentonan inespera di e dia y anochi.

E promocion recientemente a introduci premionan di $250.00 na cash na hungador nan, hasta sin cu nan tin combinacion nan ganador, ya cu e slotnan ta programa pa dal na cualkier momento, sorprendiendo hungadornan cu placa inespera.

E Sala di Poker tambe ta sigui su actividadnan promocional cu torneonan diario y oferta nan special semanal. E siguiente torneo benidero dedica na honor di e Korps Mariniers cu ta staciona riba e isla, lo tuma luga riba dia 24 di augustus, pa 8pm.

Cu un Buy-in di $50.00, ricibi $4,500.00 na ficha, re-buy $50.00 y ricibi $5,500.00 na ficha cu un opcion di add-on pa $50.00, pa $7,000.00 na ficha. Te cu 40 hungador ta garantisa $5,000.00 na premionan cash. Registra pa participa door di yama Suzy, tel.: 586-4045, ext 59 of cell.: 592-0167.

Aki por mira algun ganador recien di e Jackpot Misterioso. Chantal Cha Young, Casino Coordinador di Benta & Mercadeo, ta raporta cu e Jackpot Misterioso ta dal dos of tres biaha pa dia, na oranan inespera. Te awo, dozenas di Jackpot Misterioso a wordo premia na The Casino pa deleita hungadornan.