Eagle Beach – Mulligan’s Golf Café Bar & Restaurant, Windows on Aruba, Divi Mega Resort y Tamarijn Mega Resort a anuncia cu nan a ricibi un TripAdvisor Certificado di Excelencia, cual ta honra e negoshinan mas halto evalua di hospedahe, restaurant y atraccion, manera esakinan a wordo evalua pa viahadornan riba e website di viahe mas grandi na mundo.

Pasando door di e evaluacionnan extensivo di restaurantnan y resortnan on line por ta un tremendo fuente di entretenimento y educacion, ya cu viahadornan no ta censura nan mes ora nan ta raporta tocante nan experiencianan di come y hospedahe cu titulonan manera: “Paraiso –kico mas mi por bisa?” na Frances, Italiano, Spaño, Hulandes y Ingles.

E evaluacionnan honesto y educativo aki a yuda e restaurantnan y e resortnan obtene top evaluacionnan pa Vakantienan di Famia, Vakantienan pa Solteronan, como tambe comemento, Negoshi y Placer, cual no ta un logro chikito considerando cu Aruba ta bendiciona cu mas di 42 hotel y 235 restaurant, cualnan ta activo riba e website, banda di hopi otro operacion mas chikito.

De hecho, pa cualifica pa un Certificado di Excelencia di TripAdvisor, negoshinan mester mantene un rating averahe di cuater of mas halto for di un total posibel di cinco, ora cu nan wordo evalua pa bishitantenan na e site. Criteria adicional ta inclui e cantidad di evaluacionnan y con recien nan a wordo skirbi pa viahadornan di TripAdvisor. E honor ta wordo extendi na negoshinan rond mundo cu ta cualifica.

“Divi su propiedadnan ta contento di por ricibi un Certificado di Excelencia di TripAdvisor,” segun director gerente Alex Nieuwmeyer. “Nos ta lucha pa ofrece nos clientenan un experiencia memorabel, y e reconocemento aki ta un prueba cu nos trabou duro ta traduciendo den evaluacionnan positivo di viahadornan riba TripAdvisor.”

“TripAdvisor su programa di Certificado di Excelencia ta duna negoshinan excepcional den un variedad di diferente industria rond di mundo e reconocemento cu nan ta merece,” tabata e palabranan di Christine Petersen, presidente di TripAdvisor for Business. “For di restaurantnan cu e evaluacionnan mas halto na Boston te cu atraccionnan altamente recomenda na Barcelona, nos kier aplaudi e negoshinan aki pa ofrece viahadornan di TripAdvisor un tremendo experiencia di cliente.”

Divi Resorts ta propiedadnan unico di vakantie den Caribe. E marca, crea na Aruba, ta invita bo pa explora su coleccion di resortnan Caribense colorido cu ta situa riba e islanan magnifico di Aruba, Barbados, Boneiro, St Croix, y St Maarten. Cada resort ta ofrece suitenan di vakantie y cambernan di hotel espacioso, hunto cu algun di e miho playanan riba e islanan – y tur cu bo escohencia di amenidadnan.