West Punt – Puntuacionnan tabata bon y animonan halto despues di e di tres ronda di e Heritage Cup, cual a tuma luga diasabra na Tierra del Sol Golf Course.

Sponsor Ling & Son’s Super Center a provee e premionan y Professional di Golf James Kiley a duna ganador Axl Ismail esun di dje, den forma di un macuto di regalo extravagante, yena cu cos special. Ganador di e di dos luga, Herbie Burchfield, y serca su tras na di tres luga, Frank Gregoor, a ricibi certificadonan di regalo pa haci compras na Aruba su Super Center #1.

Regalonan tambe a wordo entrega na e ganadornan di mas serca di e pin, Carla Schipper riba buraco # 3 y #13, Naud Hunick riba buraco #7 y Jose Rodriguez riba buraco #15.

E siguiente evento di e Heritage Cup, e di cuater, riba dia 1 di september, lo por yuda contesta e pregunta pa loke ta e identidad di e ganador di e torneo, cual ainda ta desconoci despues di e di tres evento for di un serie di cinco evento.

Den transcurso di e ultimo lunanan aki, tur hungadornan di golf tabatin como meta pa subi nan puntonan di ranking mas halto cu ta posibel, cu e tres miho for di e prome cuater rondanan contando como e puntuacion pa e final.

Pa e ronda final, participantenan lo mester duna tur loke nan tin, luchando pa gana e di tres evento anual di e Tierra del Sol Heritage Cup di Ling & Sons Super Center.

E cancha di golf campionato mientrastanto ta preparando pa e Aruba International Pro Am, cual lo tuma luga riba e isla durante e fin di siman di 24 di augustus, cu hungadornan di golf for di rond di mundo competiendo pa bunita premionan den un evento di tres dia cu ta yena cu golf y fiestanan.