E programa MbdR lo ta e antesala un (1) dia prome cu e certamen MISS WORLD 2012 cu ta tuma lugar na Mongolia - China. Durante e programa aki nos lo papia y enfoca riba e preparacion di nos Miss Aruba, Srta. Lucianette Verhoeks.

Nos lo recorda nos Miss Arubanan cu a yega di participa den e certamen di Miss World, y lo papia di e preparacion y participacion den añanan 80 y 90, eynan nos lo haña un bista con e preparacion tabata e tempo ey cu awor ta completamente diferente.

E programa MbdR lo tin un entrevista interesante cu Miss Aruba 1998. Den e programa tambe lo tin un experto cu lo papia con pa mantene un sonrisa perfecto.

Mi a Bisti di Reina edicion MISS WORLD ta wordo presenta pa Valery Labadie ex reina di beyeza, e programa ta produci pa Isai Labadie.

Den e programa nos lo enfoca tambe riba nos Miss Aruba nan a hasi historia dor di participa y representa nos Pais Aruba den exterior. Promocion cu nan ta hasi pa nos pais ta impagabel. Miss Aruba mester keda wordo honra pa nan exelente trabou y e promocion cu nos pais ta ricibi.

Miss Mundo no ta un simpel competencia di Beyesa, mas bien e ta un competencia unda trabounan caricativo ta hunga un rol hopi importante, pesey pa hopi aña nan ta yuda hopi instancia pa via di nan fundacion “Beauty with a Purpose” unda e representante di Aruba mester practica trabounan caritativo aki na Aruba prome e bay den exterior. Y por presenta esaki riba DVD, Potret, y recorte di Corant.

Actualmente na Aruba algun organisador ta enfoca mas riba beyesa y no ta enfoca riba e parti caricativo como un punto di prioridad.

Treciendo e informacionan corecto nos ta concientisa e pueblo e preparadornan y na e damanan cu tin deseo di participa.

Bo ta keda cordialmente invita pa sintonisa e programa special MbdR, diabierna pa 7:30 pm atraves di Tele Aruba canal 13 y 23.