Team Geo tabata di bishita na Cool FM awemainta. Pa mustra cu en berdad nan ta pro healthy living ya cu nan no a trece nada vet pa e locutor nan come. Nan a dicidi di hasi e crew contento cu T-shirts di Team Geo pa tambe show nan support pa Team Geo.

Nan a bin splica algun cos di kico ta importante pa bo biba y come saludabel. Un di e cosnan hopi interesante cu por a nota ta cu bo ta biba mas saludabel si bo otro parti nan di bo bida tambe ta bai ta bon. Stress ta strobabo di baha peso dus tambe problema den famia, cu amistad, na trabou of scol. Si bo ta biba feliz, sin stress e ta yuda bo hopi den proceso di biba saludabel y tambe baha peso.

Team Geo a bin tambe cu Ferdinand Schwengle, un persona conoci den mundo di Bodybuilding. E ta splica cu su dieet ta sumamente streng pa e por yega na su meta nan. E manera di mas miho pa bo logra locual bo kier ta determination, Ferdinand ta splica. Bo por tin e miho plan, best diet foods y equipo, pero sin determination nan no kiermen nada y e no lo yuda bo cu nada tampoco.

Un decent meal plan como tambe un trainer ta yuda hopi pa yega na bo meta di baha peso of crea musculo pa por ehempel bira un bodybuilder. Y tambe nan kier corda tur hende cu bo no mester expect pa ta super flaco of hancra pa su mañan ya cu e no ta bai asina. Cambia bo forma di biba, come y train ta tuma tempo y pesey tambe mester tin pasenshi pa e resultado. Si bo logra di cambia bo lifestyle completo, e chens ta mas grandi cu bo logro nan ta permanent. Asina ki bo ta preveni pa pasa den e yo-yo effect, na unda e peso ta keda subi y baha.

Cool FM kier a yama un danki masha grandi mes pa e T-shirts di "Team Geo" y mas cu claro e tips pa biba un bida saludabel.