Bo yiu di entre 10 pa 18 aña  ta haya e oportunidad pa practica diferente actividadnan sano e.o hike, disciplina y lo tin control tambe si e mucha ta hasi su huiswerk etc. riba e dianan dialuna, diaranson y diabierna for di 4:00 pm te 7:30 pm.

TER ta significa Teenager Equal Rights. TER ta un grupo di hoben disciplina cu a haya entrenamento for di Mariniers Kazerne cu e meta pa kita muchanan for di caya y mal caminda. “TER day Camp” ta un stilo di “Boot Camp”. Den otro palabra, e muchanan di entre 10 y 18 aña cu kier bira un TER Student of p.e. manera un soldat ta haya e oportunidad pa bin entrena bou guia di TER. Te hasta cada tres luna nan lo pasa testnan pa subi di rango etc.

Tuma bon nota: 
Tin cu informa nos comunidad cu solamente inscripcion ta tuma lugar na San Nicolas Sport Centrum riba dianan 23 y 24 di augustus entre 4:00 pm y 7:30 pm.  Pero TER Group ta keda e unico cu ta carga e responsabilidad durante di e TER Day Camp cu lo tuma lugar na Centro di Bario Lago Heights, riba e dianan ariba menciona, esta dialuna, diaranson y diabierna di 4:00 pm pa 7:30 pm. Contribucion pa participa den e TER Day Camp ta solamente Afl. 65,- pa luna.

Pa mas informacion por yama Gilbert Webb na cel. 5667348, haci tur bo preguntanan y kita tur duda.