Eagle Beach – E presentador/productor popular di TV, chef Mirko Reeh, un superstreya di media den su pais natal di Alemania, ta wordo considera como un di e top diez chefnan na Europa y a bishita Aruba como un invitado di Aruba Tourism Authority y Divi Resorts. Durante su ultimo anochi riba e isla, e VIP legendario a tene un show di cushinamento y purbamento na Fusion, Alhambra Shops, cu personalidad di media Tabitha Fecunda, como e emcee di e show.

Chef Mirko a demostra algun di su recetanan signatura, en bibo, cu un sopi, un salada y dos plato principal, consistiendo di un tenderloin prepara riba grill y un pisca cushina riba grill, prepara a la minute, bou di e streyanan, y mientras cu e camaranan tabata grabando, e publico presente a purba y aproba.

Fecunda, kende ta e Gerente di Mercadeo & Promocion di Isla di The Links na Divi Aruba, tambe ta e presentador di TNT, Tabitha on Television, un programa local popular. Riba diasabra anochi, mientras cu Chef Mirko tabata grabando e eventonan pa television Aleman, y cantando algun cantica Aleman popular entre e preparacion di e platonan, Tabitha y su ekipo tabata filmando pa e televidentenan local.

Despues di un invitacion di e Aruba Tourism Authority, Chef Mirko a disfruta di un agenda yena di cinco dia akinan, filmando algun di e episodionan di su programa di television cu e intencion di promove Aruba como un destinacion culinario pa miyones di su televidentenan Europeo.

Chef Mirko ta dirigi scolnan culinario, ta opera top restaurantnan, ta skirbi bukinan di receta, ta un di e streanan principal di un show di cushinamento pa muchanan na Nickelodeon y su programa principal di television, “Chef in a Bacon Coat”, a caba di baha mas di 30kg, cushinando platonan cu poco vet y cu no ta micho pisa, hunto cu e audiencianan.

Carismatico, caluroso, empresarial, y semper prepara pa hari, chef Mirko a tuma un hap grandi di Aruba y el a keda encanta, e lo ta bek pa su vakantie, e ta bisa!  
Durante e grabamento di e episodio di e programa, Chef Mirko a ricibi hopi asistencia di Chef Ehecutivo di Divi, Edwin Geerman.