Santa Cruz - Siman pasa durante TREK WORLD 2013 na Madison, Wisconsin proprietarionan di Tri-Bike Aruba a ricibi e award di “Outstanding Dealer” 2012. Esaki no ta e prome biaha cu Tri-Bike Aruba ta ricibi un award di TREK pero esaki ya caba a sosode na aña nan 2004, 2006, 2007, 2009 y awor tambe na 2012.

“Pa nos esaki ta un orguyo masha grandi mes”, Gert van Vliet a commenta. “Pa sali Outstanding Dealer di tur dealer Internacional di mundo ta demostra cu bo ta haciendo algo bon. Pa ricibi un award asina TREK tin diferente rekisito cu mester cumpli cune. Manera benta pero tambe hopi importante ta e after sale service cu bo ta ofrece na bo clientenan. TREK a mustra di ta sumamente contento cu e remodelacion y expansion di TRI-BIKE.”

“Pa Aruba nos ta hopi bon conoci pa nos bon servicio,” Annemarie van Vliet sigi bisa. 'E servicio ta un punto cu nos ta keda traha duro riba dje y pronto nos lo bai tin un fit service station. Tanto mi casa como mi persona ta bike fitters certifica."

Cu e award aki Tri-Bike Aruba ta demostra cu e ta un top bike- and multisport shop.

Na Wisconsin nada menos cu e presidente di TREK John Burke a entrega e award na propetarionan di Tri-Bike Aruba.

Pa keda na altura di tur noticia of productonan nobo di Tri-Bike subi nan Facebook fan-page https://www.facebook.com/pages/TRI-BIKE-ARUBA/332989878542 .