Save Alto Vista a publica un copia di e protocol firma y tin esaki obtenibel pa publico general ariba nos website.

WEB a anuncia den juli caba via su vocero ku kier BAHA prijs di awa pa consumidor general, pasobra e proceso di reverse osmosis y e prijs bahando di crudo kiermen cu e gastonan pa genera esaki ta sali menos y no por cobra esaki na pueblo. Gobierno a PARA esaki pa explota e noticia aki pa e ‘Dialogo Social’ y a presenta e bahada na pueblo como su mes un logro y tambe hasta a publica esaki international.

Save Alto Vista a obtene un copia die e protocol firma y a keda babuca lesando nos gobierno kier tur gremio pa bai di acuerdo cu un segundo parke di biento via e protocol.

Den e protocol ta publica cu 30 MW mester wordu genera via turbina di biento. Vader Piet apenas ta genera 12 MW na e momento aki, y pa via di curtailment esaki por baha te cu 9 MW. Kiermen cu ni cohunto cu Urirama Aruba por yega na 30 MW di energia di biento.

Prome cu haci inversion den energia sostenibel mester considera tur factor na un manera scientifico y economico. Y dicon decision ariba Urirama no a forma parti di un dialogo cu pueblo di Aruba?  
Alto Vista y Urirama ta un cuna di nos cultura Indian, Christian, y spiritual. Nan ta un di e poco camindanan na Aruba cu e pais natural y sereno a keda intacto y cu tur hende por disfruta di e kietud. Alto Vista ta un attraccion turistico hopi valua tambe pa nos bishitantenan internacional.

Mescos cu tur hende a bin hunto pa construi capilla di Alto Vista, a bira tempo pa nos bin hunto atrobe pa PARA segundo parke di biento bin na Alto Vista. Si nos ta valora y respeta nos historia y spiritualidad, tin cu demonstra esaki huntu, awor.

Obtene un copia di ful e protocol di Dialogo Social y firmantenan via nos website www.savealtovista.com

Grupo Save Alto Vista 
www.savealtovista.com 
www.facebook.com/SaveAltoVista 
savealtovista@gmail.com