Palm Beach – Durante un encuentro festivo cu a tuma luga recientemente den e Grand Caribbean Ballroom, Radisson Aruba Resort Casino & Spa a reconoce e tantisimo contribucionnan cu a wordo haci pa e coleganan cu a duna e miho prestacion. E ceremonia di cuartal, acompaña pa un lunch delicioso prepara pa e ekipo culinario, ta premia certificadonan di excelencia na empleadonan y supervisornan cu a demostra un conducta y logronan cu a merece elogio publico y reconocemento.

Como Ganador di Colega di e Luna di april, Brigitte Hernandez di Banquets a demostra su boluntad pa yuda, y traha duro, sin importa e cantidad di ora, cu e miho interes di e compania den su curason. Creativo y orienta riba servicio, Brigitte a ricibi top honornan ora el a wordo nomina cu otro candidatonan pa e titulo di Colega di luna pa e luna di april: Edwin Tromp, Engineering; Adriana Herran, Beverage; y Jairo Maduro, Guest Services.

Como Ganador di Colega di Luna pa e luna di mei, Nolfort Valencia di Engineering a trece hopi idea positivo y sugerencia na e mesa, pa loke ta maneranan pa aumenta e resultadonan di su departamento y e eficiencia di e sistemanan den e edificionan. Resolviendo tur asunto cu el a encontra, Nolfort su actitud positivo a haci cu el a gana e titulo codicia, ora el a wordo nomina pa Colega di Luna pa e luna di mei, hunto cu  Kimberly Ruiz, Housekeeping; Ternura Ortin, F&B; y Kimberly Akins, Front Office.

Como Ganador di Colega di Luna pa e luna di juni, Omar Castañeda di Housekeeping a asumi hopi tarea pafo di su descripcion regular di trabou, completando tur trabou adicional na ora y segun exigencianan. Un colega cooperativo kende nan por conta riba dje, Omar a sobresali riba tur e otro Nominadonan pa Colega di Luna pa e luna di juni: Jose Miguel Alcantara, Engineering; y Marilu Erasmus, Sunset Grille.

Como ganador di e titulo di Supervisor di e Di Dos Cuartal, Helena Dake di Accounting a haci un tremendo trabou den mantene e cuentanan cu e ta encarga cune, demostrando conocemento profesional y tremendo habilidadnan di servicio di cliente. Sin miedo pa enfrenta retonan nobo, Helena a distingui su mes entre e otro nominadonan di e di dos cuartal: Frans van Vught, Landscaping; y Soraida Werleman, Housekeeping.

Tur ganador y nominado a wordo presenta cu un bunita certificado di aprecio y regalonan ofreci pa Gerente General Willem Plegt y su ekipo di maneho. Aki por mira algun momento di e celebracion, premiando e spirito di “Si, Mi Por” cual ta wordo demostra pa e coleganan na Radisson.