Despues di e actividadnan di dia 24 di augustus, e festival di cancion nan di Bernadina y Cecil Growell caminda artistanan local a cantanta cancionnan di nos mama di cultura y su esposo Cecil ambos qepd. Unda cu un publico grandi a gosa un mundo. Hopi tabata esnan di edad grandi presente cu a canta di comienso te fin y aplaudi tur participante.

Despues tabata e diadomingo 26 augustus for di mainta te anochi e diferente organisacion deportivo a tene nan weganan den Centro di Bario Brazil. Entre otro tabata tin e wega di zaalvoetbal, Dodgeball, Taekwondo, Baseball, e avion y botonan miniatura y e famoso wega "Mens Erger Je Niet".

Awor ta toca turno na nos “baluartenan di e bario Brazil”. Pueblo di Aruba por bin presencia un momento historico, caminda 23 baluarte di no solamente e Bario Brazil, pero atletanan, artistanan, ciudadanonan ehemplar y popular di Aruba cu a destaca den nan temponan.

Tur 23 ta bini hunto awe 29 di augustus den centro di Bario Brazil cuminsando pa 8or di anochi. Ariba un solo dia pa haya e reconosemento un biaha mas pa e logronan cu a pone Aruba briya internacionalmente y local.

E actividadnan ta sigui dia 31 di augustus cu eleccion di nos "Mosanan" cu lo guia e "Parada Cultural" dia 2 di september den cayanan di Brazil, Mabon, Noord y Cura Cabay.