Palm Beach – Recientemente The Casino na Radisson a ofrece un torneo excitante di poker cu un total di setentidos participante. E hungadornan di carta, di cual mayoria tabata Hulandes, hoben, y nechi, a pasa un dushi rato ta haci nan betnan, ta come pasapalonan Hulandes y ta saborea e premium cocktails. Mientras cu mas di $5,000 a wordo garantisa den premionan di cash, na final di e torneo un total di $8,250 a wordo premia na e ganadornan, como tambe bunita trofeonan.

E Torneo di Poker di Camouflage lo regresa na september, ora un otro torneo lo wordo presenta, permitiendo Osmar Croes, Laika Werleman y Roque Aparicio pa defende nan titulonan como e top ganadornan, bou di e streyanan briyante di e plafond di The Casino na Radisson, segun informacion di e Gerente di e Sala di Poker, Susy Zievinger.