Marketing Manager di Expedia Brett Minzner tabata na Aruba pa duna un presentacion na diferente manager di Hotel cu e Producto Expedia na Westin Hotel, diahuebs mainta, unda cu a papia di diferente topico interesante y di interes pa promove nos Isla na diferente pais nan rond di Mundo.

Un di e topico nan cu e meneer Brett a splica ta cu mester traha mas cu Hotel nan chikito di Aruba y tambe promove mas e actividad nan di nos Isla  pa atrae e turista nan, y pa mustra e turista un destinacion di diferente actividad nan y no solamente Beach y Solo.

Despues di e presentacion na Westin, Brett Minzner a bishita Malibu Suites, unda cu e Directora Yamilet Gutierrez tabata tin e honor di e bishita di e Marketing Manager di Expedia.

E Directora a duna un tour rond di e Hotel y a splica di servicio cu ta duna na e turista cu ta bin Aruba y con serca e Hotel aki ta di Airport Laman y centro di cuidad.

Tambe meneer Brett Minzer a splica na Directora di Malibu con e servicio nan di Expedia por haci pakete interesante pa e turista cu ta desea di keda na Hotel nan chikito cu bon prijs y servicio, Expedia por haci pakete manera ticket di avion/hotel of hotel/actividad pa asina turista por tin un bon prijs pa hospedaje y pa disfruta di e actividad nan cu Aruba ta ofrece.