Durante un almuerzo hunto cu miembronan di prensa Marky Bee’s Lunch & Dinner Buffet na Tanki Leendert a introduci algun novedad pa cu nan menu existente. Un di nan ta cu desde awe na banda di e special di dia Marky Bee’s tambe ta ofrece tur dia un sopi diferente.

E sopi ta bin den dos tamaño. Tambe desde awor despues di 5’or di atardi e ta posibel pa come delicioso wraps tanto di galiña (Marky Bee Chicken ), carni stoba y pisca (Grouper).

E wrapsnan ta wordo traha na momento cu e cliente pidi esun di dje y por wordo acompaña pa diferente saus y si e cliente ta desea french fries of red skin potatoes. Tambe specialmente pa e muchanan di Aruba Marky Bee’s a peticion di su clientela ta introduci un campaña unico di “Kids Eat Free” na Marky Bee’s despues di 5 or di atardi. E kids meal ta consiti di Chicken Nuggets, Mac ‘N Cheese of Batata Hasa, Un Cookie y un Juice. E unico regla cu ta vigente ta cu un (1) mucha ta come gratis cu cada compra di dos cuminda of wrap regular.

Marky Bee’s Lunch & Dinner Buffet a habri su portanan den luna di April 2012 na Kalalu Plaza cu ta situa dilanti di Centro di Bario Tanki Leendert. E restaurant ta ofrece tanto comemento paden, take-out y tambe delivery pa su clientenan durante 7 dia pa siman.

E orario ta di 11’or di mainta pa 10 or di anochi Non-Stop. Ariba Facebook: “Marky Bee’s” por sigi tur e specialnan di dia y e campañan nobo cu ta na caminda.