Dia prome di september 2012 sra. Jacqueline Ponson van Putten a recorda cu 30 aña pasa el a cuminsa labora na IDEFRE, cu ta IBiSA (Instituto Biba Saludabel y Activo) desde juni 2012. Pa Jacky, manera cariñosamente e ta wordo yama, esaki ta 30 aña di servicio dedica na e tereno di deporte riba nos isla.

Su trayectoria ta uno largo cu a cuminsa como instructor di deporte na schoolnan basico, duna les di deporte y movecion na clientenan di Stichting Geestelijk Gehandicapten. Jacqueline na varios ocasion a fungi como maestro di deporte reemplazante na Materdei Huishoudschool.

Entre 1988  y 1990 e tabata encarga cu programa di deporte escolar, deporte na ‘Huis van Bewaring’ seccion di damas, actividadnan di deporte na FAVI, deporte y movecion pa hendenan di tercera edad y tambe ehecucion di les di deporte na School di Polis y na Brandweer.

Na 1990 ora cu KIA a keda inaugura, Jacqueline a pidi su traslado pa eynan ocupa su mes cu actividadnan di deporte y recreacion pa esnan cu tabata den e centro di coreccion. Funcion cu el a ocupa te na aña 1995 y despues a regresa IDEFRE pa atende programanan di deporte escolar y e torneonan di deporte Interinsular cu ta tuma lugar anualmente.

Na aña 2000, Jacqueline a keda nombra hefe di Sportcentrum cu ta un filiaal di IDEFRE na San Nicolaas, cu ta un centro unda ta ofrece actividadnan di deporte pa scol, clubnan deportivo y tambe pa habitantenan di vecindario.

Despues di a keda varios aña laborando na San Nicolaas, Jacqueline ta regresa oficina principal di IDEFRE pa encarga cu ‘Schoolsport’ y ta keda nombra hefe di e departamento oficialmente na aña 2008 y tambe ta bira e ‘3e waarnemend Hoofd’ di IDEFRE.

Na aña 2010 Jacqueline ta haya un encargo acerca cu ta esun di hefe pa e departamento di ‘Sportontwikkeling’, alabes ta bira e ‘1e waarnemend Hoofd’ di IDEFRE. Funcionnan cu hunto cu esun di ‘Schoolsport’ Jacqueline ta ocupa te na e momentonan aki.

Desde cu IDEFRE a bira IBiSA na luna di juni 2012, Jacqueline a keda nombra pa forma parti di e ‘Management Team di IBiSA ‘, funcion cu tambe e ta ocupa desde luna di juli 2012.

Tur colega di trabou, ‘Management Team’ di IBiSA, hunto cu Ministerio di Salubridad Publico y Deporte y minister dr. Richard Visser ta felicita sra. Jacqueline Ponson van Putten cu su 30 aña di servicio. Cu sin duda ta un trayecto largo, ehemplar y fiel di compromiso cu su trabou.  Alabes ta desee hopi mas aña saludabel pa e por sigui labora y comparti su experiencia.

Dia prome di september 2012 sra. Jacqueline Ponson van Putten a recorda cu 30 aña pasa el a cuminsa labora na IDEFRE, cu ta IBiSA (Instituto Biba Saludabel y Activo) desde juni 2012. Pa Jacky, manera cariñosamente e ta wordo yama, esaki ta 30 aña di servicio dedica na e tereno di deporte riba nos isla.

Su trayectoria ta uno largo cu a cuminsa como instructor di deporte na schoolnan basico, duna les di deporte y movecion na clientenan di Stichting Geestelijk Gehandicapten. Jacqueline na varios ocasion a fungi como maestro di deporte reemplazante na Materdei Huishoudschool.

Entre 1988  y 1990 e tabata encarga cu programa di deporte escolar, deporte na ‘Huis van Bewaring’ seccion di damas, actividadnan di deporte na FAVI, deporte y movecion pa hendenan di tercera edad y tambe ehecucion di les di deporte na School di Polis y na Brandweer.

Na 1990 ora cu KIA a keda inaugura, Jacqueline a pidi su traslado pa eynan ocupa su mes cu actividadnan di deporte y recreacion pa esnan cu tabata den e centro di coreccion. Funcion cu el a ocupa te na aña 1995 y despues a regresa IDEFRE pa atende programanan di deporte escolar y e torneonan di deporte Interinsular cu ta tuma lugar anualmente.

Na aña 2000, Jacqueline a keda nombra hefe di Sportcentrum cu ta un filiaal di IDEFRE na San Nicolaas, cu ta un centro unda ta ofrece actividadnan di deporte pa scol, clubnan deportivo y tambe pa habitantenan di vecindario.

Despues di a keda varios aña laborando na San Nicolaas, Jacqueline ta regresa oficina principal di IDEFRE pa encarga cu ‘Schoolsport’ y ta keda nombra hefe di e departamento oficialmente na aña 2008 y tambe ta bira e ‘3e waarnemend Hoofd’ di IDEFRE.

Na aña 2010 Jacqueline ta haya un encargo acerca cu ta esun di hefe pa e departamento di ‘Sportontwikkeling’, alabes ta bira e ‘1e waarnemend Hoofd’ di IDEFRE. Funcionnan cu hunto cu esun di ‘Schoolsport’ Jacqueline ta ocupa te na e momentonan aki.

Desde cu IDEFRE a bira IBiSA na luna di juni 2012, Jacqueline a keda nombra pa forma parti di e ‘Management Team di IBiSA ‘, funcion cu tambe e ta ocupa desde luna di juli 2012.

Tur colega di trabou, ‘Management Team’ di IBiSA, hunto cu Ministerio di Salubridad Publico y Deporte y minister dr. Richard Visser ta felicita sra. Jacqueline Ponson van Putten cu su 30 aña di servicio. Cu sin duda ta un trayecto largo, ehemplar y fiel di compromiso cu su trabou.  Alabes ta desee hopi mas aña saludabel pa e por sigui labora y comparti su experiencia.