Manera ja caba ta conoci TRI-BIKE Aruba ta celebrando durante luna di Maart 20 anja di existencia y ta celebrando esaki na grandi cu pueblo di Aruba. Asina aki a cuminsa cu un gran campania na cumienso di luna unda cu tin descuento riba diferente articulo te cu 80% y como e gran premio por gana un mountain bike TREK WAHOO nobo nobo!

Laguna Restaurant situa den Radisson tawata den programa di The Morning Show via Cool FM 98.9. Pa prome biaha Chef Chino, Hiram Zievinger y Sheldon Leudens ta presente den studio di un radio station aki na Aruba pa asina trece informacion pa nos oyente nan di nan concepto nobo. E crew di The Morning Show a haya e oportunidad pa purba locual Laguna Restaurant tin pa ofrece.

Diahuebs ultimo un programa nobo di recauda fondo pa e Clown Doctors Aruba a wordo lansa durante un conferencia di prensa na Taste of Belgium. Un beer blou a wordo recluta pa yuda e organisacion caritativo den nan esfuersonan. Mientras cu e beer ta viahando rond di mundo, escoltando ehecutivonan y famianan,  e lo ta recaudando fondo pa e organisacion caritativo cual tin como su solo meta pa trece sonrisanan y speransa pa muchanan interna den hospital, muchanan mentalmente incapacita y nos ancianonan cu ta biba den casnan di anciano na Aruba.

Multi Media International ta organisaExpo Beauty & Health ribadianan 26, 27 & 28 di April na Renaissance Convention Center.Pa diferenteproductonan di salud, beyesa, fitness, baha peso, come saludabel, tip pa makiyahe, moda y lingerie pasabishita Expo Beauty & Health. Descubriformanan con pa resalta e beyesafemenino y masculino den turaspecto.