Living

Existoso College tocante Arqueologia di Aruba na Universidad di Leiden

Wednesday, 08 September 2010 10:28
Na comienzo di siman a tuma lugar na Facultad di Arqueologia di Universidad di Leiden dos dia di colleges cu e topico di ‘Arqueologia di Aruba’. Arqueologonan drs. Harold Kelly y drs. Raymundo Dijkhoff , di Museo Arqueologico Aruba, a duna e colleges nan aki na studiantenan di e Universidad. Studiantenan a haya un bista di e historia di investigacion arqueologico na Aruba cual ta data for di siglo 19. Hopi ta e investigadornan tanto di Reino como di otro partinan di mundo cu a ser atrae y fascina pa e riqueza arqueologico di nos isla. E relacion di investigacion arqueologico na Aruba y Universidad di Leiden ta institucionaliza for di añanan 1970. Museo Arqueologico Aruba a hasi den transcurso di su 29 añanan di existencia proyectonan significativo cu Universidad di Leiden manera excavacionnan na Tanki Flip y Malmok. Arqueologonan Arubano di Museo Arqueologico ultimo añanan a guia e investigacion, maneho y conservacion di sitionanan arqueologico na Aruba. E aña aki bou nan iniciativa y esun di Dr. Corinne Hoffman, Museo a firma un protocol nobo di colaboracion cu Universidad di Leiden pa conhuntamente hasi proyectonan di investigacion y intercambia conocemento. Durante e colleges nan a presenta e Museo nobo na Schelpstraat y su facilidadnan pa studiantenan por hasi investigacion akinan pa nan thesis ya sea di Masters of Phd. E formula aki ta beneficioso tanto pa e studiante, e Universidad y pa Aruba ya cu estudio y documentacion ta tuma lugar na un forma cientificamente responsabel cu un costo comparti pa tur partido. Posibel proyectonan di investigacion ta inclui estudio y documentacion di material den colleccion di Museo y tambe participacion na trabou di excavacionnan di Museo Arqueologico. Studiantenan tawata hopi interesa y den lunanan venidero lo formaliza palabracionnan pa cuponan di pasantia di investigacion pa otro aña. E bishita na Hulanda di arqueologonan Arubano ta posibel door di sosten di Ministerio di Cultura na Aruba y di Universidad di Leiden. Na comienzo di siman a tuma lugar na Facultad di Arqueologia di Universidad di Leiden dos dia di colleges cu e topico di ‘Arqueologia di Aruba’. Arqueologonan drs. Harold Kelly y drs. Raymundo Dijkhoff , di Museo Arqueologico Aruba, a duna e colleges nan aki na studiantenan di e Universidad. Studiantenan a haya un bista di e historia di investigacion arqueologico na Aruba cual ta data for di siglo 19. Hopi ta e investigadornan tanto di Reino como di otro partinan di mundo cu a ser atrae y fascina pa e riqueza arqueologico di nos isla. E relacion di investigacion arqueologico na Aruba y Universidad di Leiden ta institucionaliza for di añanan 1970. Museo Arqueologico Aruba a hasi den transcurso di su 29 añanan di existencia proyectonan significativo cu Universidad di Leiden manera excavacionnan na Tanki Flip y Malmok.
Read more...

Fiesta di Cocktail Artistico ta Entretene Escritornan Europeo

Wednesday, 08 September 2010 10:24
Malmok – Un fiesta di cocktail artistico na e cas moderno di e pintora, y diseñador di moda Eliza Lejuez a entretene escritornan prestigioso di publicacionnan Europeo cu Dagblad Metro, Dagblad de Pers y Avant Garde entre nan. E dignitarionan a wordo invita pa bishita e isla door di Aruba su agencia di relacionnan publico di Hulanda. E invitadonan tabata compaña akinan pa Bas van den Nieuwenhuijzen, di Tierra del Sol, y Alex Nieuwmeyer, di Divi, kendenan hunto cu e empleadonan dedica di e Aruba Tourism Authority a contribui na un evento interactivo dibertido, saboreando rollnan di sushi fresco y traha y cocktails. Eliza a presenta un expo casual di arte inspira pa e playa, exponi den su studio banda di algun prototipo di su liña di paña cu ta na caminda. Eliza den e ultimo tempo aki tabata druk creando telanan di su mesun diseño como tambe cuero suave cu printnan, cualnan lo wordo usa pa crea su topnan, sayanan y shimisnan signature. E artista ta raporta cu su prome coleccion di paña lo ta cla prome cu e fin di e aña aki. E bunita cas na Malmokweg y e galeria a provee e ambiente perfecto pa e fiesta di cocktail artistico, cual a wordo disfruta sumamente hopi pa e dignitarionan di bishita. Malmok – Un fiesta di cocktail artistico na e cas moderno di e pintora, y diseñador di moda Eliza Lejuez a entretene escritornan prestigioso di publicacionnan Europeo cu Dagblad Metro, Dagblad de Pers y Avant Garde entre nan. E dignitarionan a wordo invita pa bishita e isla door di Aruba su agencia di relacionnan publico di Hulanda. E invitadonan tabata compaña akinan pa Bas van den Nieuwenhuijzen, di Tierra del Sol, y Alex Nieuwmeyer, di Divi, kendenan hunto cu e empleadonan dedica di e Aruba Tourism Authority a contribui na un evento interactivo dibertido, saboreando rollnan di sushi fresco y traha y cocktails.
Read more...

Un total di 18 cabay di Corsou ta yega diaranson

Tuesday, 07 September 2010 19:41
Feria Internacional “Interpaso 2010” y celebracion di 25 aña di OCA na Rancho Monte Blanco ta acercando y e prome cabaynan ta yegando Diaranson di e siman aki abordo di Don Andres. Aspafico ta referi aki na 18 ehemplar. Corsou a tuma e feria grandi aki hopi na serio. Abordo lo bin por ehempel cabaynan cu a caba di yega di Puerto Rico. Norman Hugo, presidente di Aspafico a busca un montado di Puerto Rico special pa prepara y presenta su cabaynan durante “Interpaso”. Hugo ta biniendo cu cabaynan top manera “Salome” y “Aroma”, mientras cu Cai Jesurun ta treciendo “Porcelana”, “Princesa” y “Tsunami”. Rudy Hanst ta preparando “Magali de Picasso” y “Perucho”. Entre e otro propietarionan tin tambe Arlington Zimmerman y Rafael Gutierez. Nan tur ta bin cu un solo idea den mente y esey ta pa gana e cabaynan di Aruba. Nan a prepara y inverti pa logra esey. Tur e ehemplarnan di Corsou lo hospeda den e stalnan nobo construi na Rancho Monte Blanco. Debi na rekisitonan di sanidad internacional ta necesario pa cabaynan cu ta bin di exterior no ta hospeda cu otro. Sinembargo como cu Corsou ta forma parti di Reino Hulandes, e limitacion aki no ta conta pa nan y pa e rason ey nan por comparti e stalnan na RMB hunto cu e cabaynan di Aruba. E cabaynan cu ta biniendo di Colombia a drenta cuarentena Diamars ultimo pa asina nan por biaha otro siman den avion pa Aruba. E cabaynan di Colombia si ta cay bao di restringencia, basa riba otro rekisito di sanidad internacional. Den cuarentena nan ta haci tur e testnan necesario pa asina confirma cu e equinonan ta den perfecto salud y esaki claro pa proteha nos isla di importa enfermedadnan no desea. E cabaynan di Colombia lo hospeda na Rancho Las Niñas y ningun otro cabay lo hospeda eynan. E stalnan a haya un bon atencion den e fin di siman cu a pasa pa asina nan ta cla pa ricibi e cabaynan bishitante. Feria Internacional “Interpaso 2010” y celebracion di 25 aña di OCA na Rancho Monte Blanco ta acercando y e prome cabaynan ta yegando Diaranson di e siman aki abordo di Don Andres. Aspafico ta referi aki na 18 ehemplar. Corsou a tuma e feria grandi aki hopi na serio. Abordo lo bin por ehempel cabaynan cu a caba di yega di Puerto Rico. Norman Hugo, presidente di Aspafico a busca un montado di Puerto Rico special pa prepara y presenta su cabaynan durante “Interpaso”. Hugo ta biniendo cu cabaynan top manera “Salome” y “Aroma”, mientras cu Cai Jesurun ta treciendo “Porcelana”, “Princesa” y “Tsunami”. Rudy Hanst ta preparando “Magali de Picasso” y “Perucho”. Entre e otro propietarionan tin tambe Arlington Zimmerman y Rafael Gutierez. Nan tur ta bin cu un solo idea den mente y esey ta pa gana e cabaynan di Aruba. Nan a prepara y inverti pa logra esey.
Read more...

Exposicion na biblioteca di hoben

Tuesday, 07 September 2010 14:38
Den cuadro di Luna Cultural tin un exposicion di hoben na biblioteca. Tin bunita obra pa wak di studiantenan di Atelier ’89, ClaboArt, Fundacion Desaroyo Educativo Comunitario (FDEC) y alumnonan di Alfredo Doornkamp Art School. E exposicion di Atelier ’89 ta uno cu diferente media combina. Produccionnan cortico di video y instalacion y tambe cuadra y collage. Obranan ta di Kevin Boekhoudt Savannah Dubero, Josh Ras (instalacion), Asher Lopez, Priscilla Lacle, Michelle Ackermans, Kevin Gumbs y Maraika James. E obranan ta producto di diferente workshop cu Atelier ’89, bou direccion di Elvis Lopez, a yega di organisa. E exposicion aki ta den Sala grandi. Den hal tin un serie di dibuho cu potlood di Nikki Croes, Laura Kock, Francheska Giel y Andrea Maduro. E cuater damanan aki ta alumnonan di Sra. Giolina Henriquez. Cuadranan ta di Naomi Orman, Gered Blom, Steven de Cuba, Stephan Rodrigo y Yuyi Ho. Tur ta alumnonan di FDEC. Nan docente ta Sr. King Lie Kwie. E tema di e obranan di e alumnonan di A. Doornkamp Art School (ADAS) ta "A heart for art". Alumnonan ta: Nicole de Mey 15 aña, Roselyne Figaroa 12 aña, Stefania Ferrara 15 aña, Genesis Mestanza 16 aña, Genesis Maduro 19, Denzel Ellis 14 aña, Nathalie Stokes 12 aña, Amoei Lang-Xin Zhang 12 aña, Samantha Hasham 14 aña, Savannah Hasham 12 aña, Gisela Quant 13 aña y Marc Anthony Wilson 13 aña. Ta invita un y tur pa bin wak tur e obranan bunita, alegre y colorido aki. E exposicion ta un explosion di creatividad di mucha y hoben. Den cuadro di Luna Cultural tin un exposicion di hoben na biblioteca. Tin bunita obra pa wak di studiantenan di Atelier ’89, ClaboArt, Fundacion Desaroyo Educativo Comunitario (FDEC) y alumnonan di Alfredo Doornkamp Art School. E exposicion di Atelier ’89 ta uno cu diferente media combina. Produccionnan cortico di video y instalacion y tambe cuadra y collage. Obranan ta di Kevin Boekhoudt Savannah Dubero, Josh Ras (instalacion), Asher Lopez, Priscilla Lacle, Michelle Ackermans, Kevin Gumbs y Maraika James. E obranan ta producto di diferente workshop cu Atelier ’89, bou direccion di Elvis Lopez, a yega di organisa. E exposicion aki ta den Sala grandi.
Read more...

Cool Casino ta introduci un web site extensivo nobo

Tuesday, 07 September 2010 07:50
Palm Beach – Cool Casino orguyosamente a desvela http://coolcasinogaming.com, delineando e excitacion di weganan di suerte riba e isla, lora den e servicio definitivo di 5-streya di Riu Palace Aruba. Fiel na e poliza di e casino, hendenan local y bishitantenan ta bon bini na e casino, y door di bishita e website cu ta facil pa nabega y facil pa uza, esnan cu tin planea pa hunga por explora e tantisimo posibilidadnan di wega cu e casino ta ofrece, di adelanta. Coolcasinogaming.com ta ofrece un Gira di e Casino y detayenan extensivo pa loke ta trata tur wega, incluyendo BJ, Roulette, Craps, Let it Ride, Caribbean Stud Poker y 3 card poker. E website ta promove e hecho cu Cool Casino ta entre e poco sistemanan di wega cu ta completamente ‘coinless’, esta sin moneda, riba e isla, tambe ofreciendo un sistema di zonido premium. E website ta debota un cantidad di pagina na Cool Casino su total di 210 Slot Mashin. Cu faboritonan clasico manera Blazing 7's, Cleopatra, Double Diamond, Triple Diamond, 5x Pay, 10x Pay, 12x Pay, y Red White & Blue, bishitantenan lo haya entretenimento pa oranan largo. E mashinnan ta acomoda tur denominacion, variando di 1 cent pa $5. Y fanaticonan di Big Win lo disfruta di e misterio popular y progresivo di King Kong Cash. De hecho, hungadornan tambe por registra pa e Player’s Club on line. Miembronan di Player’s Club ta disfruta di e beneficionan di VIP status y gana recompensanan balioso manera cenanan, paketenan di spa y hugadanan di slot mashin. Supervisor di Mercadeo Deyanira Zuniga ta raporta cu bishitantenan cu ta bira miembro por uza nan puntonan pa sea cash back of certificadonan di regalo, comiendo na Amazonia Churrascaria, Tony Roma’s, Aqua Grill, Sole Mare Restaurant, Benihana & Hooters, Kokomo’s, Salt & Pepper, Moomba Beach, Tango, Café the Plaza, Mambo Jambo, Fishes & More, Chino Latino, Hadicurari, The Sopranos, como tambe relahamento na Vita Novus Spa na e Riu Palace of diberticion acuatico na Tito’s Watersports. E website nobo di Cool Gaming ta delinea varios promocion di e casino manera Cool Casino Players Club Card Sign Up Bonus, y Cool Events, incluyendo e popular Koffie Morgen. E website ta mustra e Cool Pictures di ganadornan y devotonan un parti detaya pa hungamento responsabel. Cool Casino ta kere firmemente cu gambling ta un forma di diberticion y entretenimento. Ora bishitantenan ta pone y keda denter di nan limitenan, gambling por ta dibertido y bo por disfruta di dje. Bishita e website pa siña mas tocante e topico di hungamento responsabel. Director di Casino Mark Charley ta yama tur hungador bon bini na Cool Casino, unda su ekipo tin como meta pa haci e experiencia tanto comodo como dibertido. E casino su empleadonan profesional ta yuda bo cu tur bo necesidadnan, mientras cu bishitantenan ta disfruta di e ambiente bou di e plafondnan halto, ilumina elegantemente pa gran chandeliernan. E carisma y estilo cu ta Aruba, Charley ta conclui, ta claramente presente den Cool Casino, diseña cu tur hungador den mente, for di hungadornan experiencia di carta pa amantenan di roulette y esnan cu ta hunga e slot mashinnan casualmente. Palm Beach – Cool Casino orguyosamente a desvela http://coolcasinogaming.com, delineando e excitacion di weganan di suerte riba e isla, lora den e servicio definitivo di 5-streya di Riu Palace Aruba. Fiel na e poliza di e casino, hendenan local y bishitantenan ta bon bini na e casino, y door di bishita e website cu ta facil pa nabega y facil pa uza, esnan cu tin planea pa hunga por explora e tantisimo posibilidadnan di wega cu e casino ta ofrece, di adelanta. Coolcasinogaming.com ta ofrece un Gira di e Casino y detayenan extensivo pa loke ta trata tur wega, incluyendo BJ, Roulette, Craps, Let it Ride, Caribbean Stud Poker y 3 card poker. E website ta promove e hecho cu Cool Casino ta entre e poco sistemanan di wega cu ta completamente ‘coinless’, esta sin moneda, riba e isla, tambe ofreciendo un sistema di zonido premium.
Read more...

More Articles...

<< Start < Prev 1 2 3 4 5 6 7 8 9 10 Next > End >>

Page 1 of 48

Cool People Online

COOL SMS