|
IPA a organisa IPA-KAMP di un forma di kita sombre |
|
Friday, 31 August 2012 10:26 |
|
Dia 23 y 24 di augustus 2012 Instituto Pedagogico Arubano (IPA) a tene e asina yama IPA-KAMP cu ya a bira un tradicion den e siman di introduccion na IPA. IPA-KAMP ta dos dia di actividad social y recreat ivo pa studiante y personal di IPA y tin como meta pa stimula e aspecto social den e instituto creando asina e sentido di colegialidad y union den e comunidad di IPA. IPA su propio studiantenan cu ta den e di dos aña di nan estudio pa bira maestro tabata encarga cu e organisacion di IPA-KAMP. E studiantenan a prepara un programa creativo cu un toke humoristico pa e comunidad di IPA na Piedraplat Entertainment Center. E prome dia a organisa Wega sin Limite den cua a parti e studiantenan y personal den diferente grupo representando un planeta. E grupo Mars ta e grupo cu a score mas halto y asina a bay cu premio mayo di e prome dia di IPA-KAMP.
E di dos dia di IPA-KAMP tabata consisti di Sesosport caminda e gruponan mester a kibra cabes hunto pa ta ganado di e parti aki. Despues di esaki a sigui cu speurtocht caminda e gruponan a recori e area completo di Paradera en busca di clave y unda mester a contesta pregunta y haci pantomina. Na final di e actividad e grupo di Mars un bes mas a resulta e ganado absoluto. Un pabien na e studiantenan cu a organisa IPA-KAMP pa nan tremendo trabao y un danki special ta bay na tur e sponsornan cu a contribui di un of otro manera na IPA-KAMP 2012: Argee, AMC Unicon, Andina Ice, Antraco Aruba NV, Aruba Bank NV, Valero Marketing & Supply Aruba NV, Aserca Airlines, Authentic Solutions, Balashi, Big Wheel Lottery, Blossoms, Bright Bakery, Casa Haime Trading, CATC, Centrale Bank van Aruba, Compra, Dr. G.R. van Trigt, Dragon CD Electronics NV, Driftwood, Eddy Ruiz Constructions NV, Fantastic Gardens, Flora Market, Frasa Trading, Fruteria Virgilio, Hao Ling, Holiday Inn Aruba Beach Resort, Hong Kong Supermarket, Idefre Aruba, Impex NV, Johnson Supermarket, La Trattoria, Ladies Choice, Ling & Sons NV, Martijn Trading, Mc Donalds, Mundo Nobo, Office Systems Aruba, Panaderia Moderna NV, Paradise Beach Villas, PMAC, PMC, Professional Pest Control, Quick Electrical Services NV, Radisson Aruba Resort, Casino & Spa, Red Sails Sports Aruba , Rey Hing, Romar Trading, SafeCom Safety & Communication Services NV, Sams Store, Satex Agencies Aruba NV, Setar NV, Smit & Dorlas Carib NV, Sport Caribe, Star Enterprises, Stichting Positive Foundation, Sunshine Apartments, Superfood, Tatami Sushi Bar and Restaurant, Tempo Aruba NV, The Old Fishermen, Tiara Air Aruba, Victoria Bottling Company, Wintergarden Supermarket y Whites. Un danki grandi tambe ta bay na Elsa Krozendijk pa su cooperacion. Masha danki na un y tur pa a haci IPA-KAMP 2012 un exito rotundo!
 Dia 23 y 24 di augustus 2012 Instituto Pedagogico Arubano (IPA) a tene e asina yama IPA-KAMP cu ya a bira un tradicion den e siman di introduccion na IPA. IPA-KAMP ta dos dia di actividad social y recreat ivo pa studiante y personal di IPA y tin como meta pa stimula e aspecto social den e instituto creando asina e sentido di colegialidad y union den e comunidad di IPA.
|
|
Read more...
|
|
Reunion Colegio Arubano di añanan 90 |
|
Friday, 24 August 2012 15:44 |
|
Aña pasa un paar di ex-colegianonan a topa y a papia di e dushi tempo cu nan a pasa durante nan añanan na Colegio, despues di a hari pa e diferente storianan, nan a dicidi di bay organiza un reunion di e tempo ey. A escohe pa e aña escolar 1992, ya cu esey lo ta 20 aña pasa y lo ta un bunita lustro pa celebra. Pero sigur e lo ta pa esnan cu tawata na Colegio den añanan 90. Despues di a organiza un paar di meeting, a tuma e decision cu e lo bira un fiesta cu lo tin como tema e añanan 80 y 90, cu ta e periodo cu nos tur a goza di dje.
Lamentablemente no por traha algo pa tur e studiantenan di e tempo ey, pues e cantidad di caarchi lo ta limita. Di biaha ta bay un conseho, pa esnan cu kier topa y recorda e dushi tempo ey, reserva bo carchi trempan, pasobra op is op. Algo sigur cu lo sobresali, lo ta cu e prijs na bar lo ta casi igual di e tempo ey.
No laga nan conta bo, bo tambe ta corda e muchanan di examenjaar cu a haci drama e aña ey.
Ya tin un facebook page “ Colegio Arubano 92” na unda cu por post potretnan bieu y sigur por cuminsa invita otro pa topa. Ya a drenta reservacion di algun ex-studiante cu ta biba den exterior, cu lo bin special pa evento aki.
E lo tuma lugar na Parke Arawa, diasabra 25 augustus y lo tin musica pa hiba bo bek den tempo. Tambe lo percura pa security pa cana rond y pa dimes cuida e autonan cu lo ta staciona den cercania. A purba di tene tur gasto abou, pa mantene e prijs di entrada mas atractivo cu ta posibel. Pa mas informacion tira un bista riba e facebook page pa tuma contacto cu un di e miembronan di e comision of por yama 5937078, 7319772 of 5933434, pa reserva y cumpra bo caarchi y no yora despues, si bo ta laat y bo keda para pafor.
Aña pasa un paar di ex-colegianonan a topa y a papia di e dushi tempo cu nan a pasa durante nan añanan na Colegio, despues di a hari pa e diferente storianan, nan a dicidi di bay organiza un reunion di e tempo ey.
A escohe pa e aña escolar 1992, ya cu esey lo ta 20 aña pasa y lo ta un bunita lustro pa celebra. Pero sigur e lo ta pa esnan cu tawata na Colegio den añanan 90. Despues di a organiza un paar di meeting, a tuma e decision cu e lo bira un fiesta cu lo tin como tema e añanan 80 y 90, cu ta e periodo cu nos tur a goza di dje.
|
|
Read more...
|
|
Cu hopi motivacion studiantenan di IPA a cuminsa nan prome dia di aña academico 2012- 2013 |
|
Wednesday, 22 August 2012 13:27 |
|
Dialuna, dia 13 di augustus 2012, personal di Instituto Pedagogico Arubano (IPA) a cuminsa oficialmente cu su aña academico 2012-2013. E dia aki a inicia cu un tremendo desayuno pa e personal di IPA sigui pa un reunion plenario na unda Directora general, señora. drs. Ava Thodé a desea e team completo di IPA un aña academico exitoso y tambe el a duna informacion general tocante e expectativanan pa e aña academico nobo. Durante e siman aki e docentenan a participa na diferente dia di estudio relaciona cu e preparacion pa acreditacion di IPA. Dialuna dia 20 di augustus IPA a cuminsa oficialmente cu su aña academico 2012-2013 pa su studiantenan; e docentenan y personal di sosten a yama e cuerpo di studiantenan den su totalidad un caluroso bonbini. E aña aki IPA ta contento pa e interes grandi cu e hobennan di Aruba tin pa sigui un estudio noble asina na IPA. Un total di 61 studiante di prome aña a cuminsa IPA e aña aki.
E mainta a inicia cu un actividad di introduccion specialmente pa IPA su studiantenan y personal. Directora general Ava Thodé a duna un discurso yamando tur esnan presente bonbini na IPA y alabes deseando tur e studiantenan un aña fructifero. Ta bon pa menciona cu e aña aki IPA a haya studiantenan for di Hulanda cu a bin sigui un programa di minor cu ta ensera un pasantia na Enseñansa Intermedio y Enseñansa Avansa pa e materia Hulandes. Tambe e studiantenan lo sigui un programa special pa sera conoci cu e historia, cultura, flora y fauna y idioma na Aruba y den enseñansa. E programa ta dura 7 siman y ta contene 15 ECTS.
Despues di e introduccion di e team di docente, e personal di sosten y cada klas a sigui cu presentacion di e Conseho di Studiante di IPA. Despues di dos actividad social chikito a clausura e parti oficial y e studiantenan a sigui cu nan mentor cu un programa di introduccion special. E siman di introduccion ta finalisa cu e asina yama IPA-Kamp cu ya a bira un tradicion den e prome siman na IPA. Esaki lo tuma luga diahuebs y diabierna binidero. IPA ta desea e comunidad di IPA y tambe tur maestro y tur nos muchanan den nos enseñansa na Aruba hopi sabiduria, bon motivacion, gran perseverancia y un creatividad y inspiracion sobresali p’asina 2012-2013 ta un aña escolar exitoso. Tambe nos no por lubida di gradici e famia di e studiantenan, kendenan ta apoya e studiantenan maximalmente cu nan studiamento.
 Dialuna, dia 13 di augustus 2012, personal di Instituto Pedagogico Arubano (IPA) a cuminsa oficialmente cu su aña academico 2012-2013. E dia aki a inicia cu un tremendo desayuno pa e personal di IPA sigui pa un reunion plenario na unda Directora general, señora. drs. Ava Thodé a desea e team completo di IPA un aña academico exitoso y tambe el a duna informacion general tocante e expectativanan pa e aña academico nobo.
|
|
Read more...
|
|
IPA orguyoso cu entrada di Scol Multilingual den scol basico |
|
Thursday, 16 August 2012 14:09 |
|
Cu hopi placer y orguyo comunidad di IPA a ricibi e noticia cu diaranson dia 15 di augustus pa prome biaha den historia di Aruba un grupo di mucha cu ta cuminsa scol regular basico den klas 1 lo siña lesa, skirbi y rek na nos idioma nacional Papiamento. E dos scolnan basico multilingual, esta Colegio Conrado Coronel y Colegio San Hose, ta ofrece un programa unico den cua Papiamento ta e fundeshi y e idiomanan Hulandes, Ingles y Spaño ta keda ofreci na e alumno na un manera atractivo. Di e manera aki por garantisa un desaroyo optimal di idioma den scol.
E muchanan cu ta cuminsa awe den klas 1 ya a sigui un trayectoria multilingual den scol preparatorio, respectivamente Scol Preparatorio Conrado Coronel y Trupial Kleuterschool. E scolnan preparatorio a ofrece e condicionnan necesario pa por continua cu exito den e programa multilingual den scol basico.
IPA, como un instituto cu ta promove innovacion den enseñansa, a hunga un papel importante den desaroyo di e proyecto aki. E deseo pa bin cu un scol cu ta un refleho di nos comunidad, di su historia, su cultura y su idiomanan ta un deseo cu ya pa hopi aña ta biba na IPA.
E filosofia tras di e modelo multilingual ta cuadra perfectamente cu e vision pedagogico-didactico di IPA, mirando cu, segun e teoria Vygotskyano, enseñansa mester sali for di e rikesa cultural-historico cu e mucha tin caba p’asina yud’e yega na conocemento nobo. Ta considera e idioma materno di e mucha un instrumento esencial den su desaroyo. Mirando cu na Aruba nos muchanan ta lanta cu mas idioma banda di Papiamento, proyecto scol multilingual ta cumpli cu e teoria pedagogico-didactico, ofreciendo e mucha e oportunidad di por desaroya su capacidanan di forma optimal door di incorpora e realidad linguistico Arubano den scol.
Pa logra cu e scolnan multilingual por ofrece un programa exitoso a tuma hopi aña di preparacion pa cumpli cu tur condicion. Tanto e maestronan di e scolnan envolvi, e cabesantenan, e directivanan, e diferente seccionan di Departamento di Enseñansa, Inspectoria y IPA a traha hopi duro pa desaroya tur material y tur otro condicion necesario.
IPA a encarga su mes pa hunto cu seccion Guia di Departamento di Enseñansa, prepara e maestronan y e scolnan debidamente pa nan por ofrece tur e materialnan nobo cu seccion Desaroyo di Curiculo di Departamento di Enseñansa a desaroya. Tambe IPA ta encarga pa investiga y monitorea e proyecto di cerca p’asina por sigura cu e alumnonan lo disfruta di un enseñansa exitoso, pa e maestronan ricibi tur e sosten cu nan tin mester y pa mayornan y comunidad en general ta satisfecho cu e resultadonan y ta apoya e programa multilingual. Tambe IPA como unico instituto pa formacion di maestro ta cumpli cu e responsabilidad di prepara e futuro maestro pa e ta ekipa pa duna les saliendo for di e didactica nobo cu scol multilingual ta exigi. Desde 2007 IPA a percura pa curso di recapacitacion di Papiamento y por bisa cu orguyo cu tur maestro den sector di enseñansa a ricibi modulo 1, 2 y 3, cumpliendo asina cu e condicionnan necesario pa innovacion.
Henter e comunidad di IPA ta felicita sector di enseñansa en general y muy en particular Colegio Conrado Coronel y Colegio San Hose pa e logro aki. Alabes IPA ta desea tur maestro y tur nos muchanan den nos enseñansa na Aruba hopi sabiduria y pa 2012-2013 ta un aña escolar exitoso.
 Cu hopi placer y orguyo comunidad di IPA a ricibi e noticia cu diaranson dia 15 di augustus pa prome biaha den historia di Aruba un grupo di mucha cu ta cuminsa scol regular basico den klas 1 lo siña lesa, skirbi y rek na nos idioma nacional Papiamento. E dos scolnan basico multilingual, esta Colegio Conrado Coronel y Colegio San Hose, ta ofrece un programa unico den cua Papiamento ta e fundeshi y e idiomanan Hulandes, Ingles y Spaño ta keda ofreci na e alumno na un manera atractivo. Di e manera aki por garantisa un desaroyo optimal di idioma den scol.
|
|
Read more...
|
|
Un Promocion di Back to School pa un siman largo na Amazonia Churrascaria |
|
Tuesday, 14 August 2012 12:22 |
|
Palm Beach – E ultimo celebracion di e zomer vakantie di e aña aki na Amazonia Churrascaria ta conta cu hendenan local y bishitantenan, escolta pa muchanan, celebrando nan regreso pa scol. Despues di henter un zomer di drumi te laat y haci cosnan mas trankilo, e alarmanan di holoshi lo ta sonando riba e prome dia di scol, y hunto cu esaki e regreso un structura, cu lesnan nobo, maestronan nobo, itinerarionan nobo, y un bida social nobo.
Mientras cu muchanan di scol obviamente ta divide, algun ta stima scol, otronan no ta gusta pensa riba dje mes, nan tur ta disfruta di Chef Victor su stacion di carni y tur otro specialidad delicioso prepara riba grill y bar di salada abundante, haciendo e transicion for di zomer pa scol un tiki mas dushi.
Aki por mira gerente general di restaurant Patrick v/d Berg, Chef Victor y e sous-chef, den accion, yamando bon bini na studiantenan y nan mayornan na Amazonia Churrascaria pa un celebracion di Back to School.
 Palm Beach – E ultimo celebracion di e zomer vakantie di e aña aki na Amazonia Churrascaria ta conta cu hendenan local y bishitantenan, escolta pa muchanan, celebrando nan regreso pa scol. Despues di henter un zomer di drumi te laat y haci cosnan mas trankilo, e alarmanan di holoshi lo ta sonando riba e prome dia di scol, y hunto cu esaki e regreso un structura, cu lesnan nobo, maestronan nobo, itinerarionan nobo, y un bida social nobo.
|
|
Read more...
|
|
|
Cool News
