Seccion Facilidad di Estudio y Guia (Studiefaciliteiten- en begeleiding) di Departamento di Enseñansa Aruba (DEA) ta invita tur studiante cu a aplica na tempo pa un prestamo di estudio di Gobierno di Aruba (Arubalening) y cu ta cumpli cu tur rekisito, pa pasa busca e carta relaciona cu otorgamento di dicho prestamo: diasabra dia 9 juni proximo, entre 8or di mainta cu 4or di atardi.

DEA ta recorda tur studiante cu desde luna di december 2011 e seccion Facilidad pa Estudio y Guia a muda y ta ubica awor na Cumana 69 (edificio Codemsa - piso 1) caminda desde Januari 2012 nan ta brinda servicio.

E workshop di Money Habitudes ta uno cu ta hopi conoci caba, tanto entre companianan como individualnan. E ta den forma di un wega di carta, cual tin como topico placa y asuntonan financiero. E ta un manera hopi interesante pa un persona por siña identifica su habito y actitud pa cu placa cu ta afecta e manera den cual nan ta gasta, spaar, duna of inverti placa. Den e wega aki lo bo contesta cierto preguntanan, cu na final lo indica con abo como persona ta atende cu asuntonan financiero. Na e manera aki lo bo por siña maneha bo budget mihor, traha pa spaar, monitor y cambia e manera cu bo ta gasta placa y tambe con bo por dialoga riba e topico di placa cu bo pareha of familiar.

Bo ta experencia cu bo placa ta caba trempan den e luna? E dificultad financiero ta afectando bo situacion familiar y bo relacion di pareha? Placa tin bo mara den un trabou cu no tin futuro? Si ta asina, abo por beneficia hopi di e Money Habitudes Workshop cu lo dunabo un mihor comprendimento di maneho di placa, con ta spaar y con bo por cuminsa traha riba bo exito financiero. Money Habitudes ta yuda hende papia tocante placa, compronde psicologia financiero y splica nan manera di anda cu placa. Asina tambe nan por descubri den ki manera nan por anda cu placa den un manera mas efectivo.

Oranjestad – Awendia muchanan ta biba den un hubentud basta dificil cu diferente obstaculo cu ta presenta den nan dia diario. E sentimiento di ta un fracaso, insiguridad, y tentamento ta djis algun di e obstaculonan cu nan ta enfrenta. Hopi di e muchanan aki no sa con pa “deal” cu situacionnan asina y tin cu por ehempel, ta perde nan identidad. No solamente aki na Aruba pero mudialmente hopi hoben ta sinti insigur di locual nan por logra, na edad jong ya caba nan por sinti cu nan no tin meta den bida. E situacion aki ta uno hopi fastioso pa nos hobennan. Naturalmente e situacion di cada hoben ta diferente, cada hoben ta tuma diferente rumbo den bida, pero mayoria ta pasa den etapanan poco dificil. Cual sa causa depresion y otro obstaculonan pa nos hobennan.

Fundacion Parlamento Hubenil y Asociacion Conseho Hubenil, ta un organisacion cu ta para pa e derecho di participacion y desaroyo di e hobennan den nos comunidad.

Den pasado Parlamento Hubenil semper tawata tin e oportunidad di duna nan sugerencia na difirente instancianan, pero e biaha aki nos ta desea di brinda e oportunidad na otro hobennan. Pa es motibo nos organisacion ta organisando un debate inter escolar. E la ta un debate hopi interesante entre hobennan di scol secundario. Cada scol lo tin 5 representante, cu lo debate ariba diferente topico cu ta concerni nos hobennan y comunidad. Por ehempel, Salud, Medio Ambiente, Asunto Social y Educacion. Na final, e scol y e participantenan cu gana lo ricibi diferente premionan.

Instituto Pedagogico Arubano (IPA) ta haci un cordial invitacion na henter pueblo di Aruba y specialmente docente y otro profesional den sector di enseñansa pa asisti na e presentacion y exposicion di Pasantia Internacional di e studiantenan di IPA.

E grupo di studiante di tercer aña ta di e estudio di maestro pa enseñansa primario y ta consisti di varios grupo cu a bishita diferente pais. Un studiante a bay Hulanda pa tres luna y a sigui un Minor den Global Education na Hogeschool INHolland na Alkmaar y a haci varios practica na Amsterdam. E prome grupo a bishita e ciudadnan Quito y Puyo na Ecuador, pa un luna, caminda cu nan a haya experiencia den e sistema di educacion den e ceronan di Andes y den e region di Amazonas. E di dos grupo a haci un bishita di un luna na New York y Niagara caminda cu nan a mira e funcionamento den diferente instancianan di educacion y a sigui lesnan na universidad. E ultimo grupo tambe a bishita Merca. E grupo aki a pasa un luna na e ciudad Orlando, caminda cu nan a bishita varios instancianan di educacion y a sigui lesnan na universidad tambe.