Diaranson dia 19 di januari 2011 Instituto Pedagogico Arubano (IPA) conhuntamente cu su Centro di Investigacion y Desaroyo di Enseñansa (CIDE) a tene un charla comunitario titula “Di Buchi cu Chichi pa Camila cu Justin: Desaroyo contemporaneo di hende muhe y hende homber den enseñansa na Aruba y den Caribe.”  Durante e anochi aki a tuma luga un presentacion di investigado riba tereno di “gender” drs. Merviné Kock y tambe un presentacion di orador invita dr. Goretti Narain for di Corsou, cu ta experto riba tereno di estudionan di Genero (Gender studies).