Despues cu Stichting Arubaanse Carnaval a reuni cu e unico dos bandanan cu a inscribi pa e calypso  y roadmarch contest nan a jega na un areglo pa por habri e inscripcion bek y despues cu a sera esaki Dialuna anochi a tira lot y esaki ta e sequencia:

Den un Aruba Entertainment Center yen yen di ambiente e Festival di Tumba 2012 a wordo dedica na Federico Martes y Richard "Tatoo" Quant. Un sorpresa di nos hermano Ike Jesurum a pone ambiente cu e warm up song di e banda Zeta Band cu su cancion "Links Rechts". Tur e Tumberonan a haci un cos den Entertainment Center y hasta Minister Otmar Oduber a pone ambiente total cu Punto di Ordo den e Festival aki. Pa 1.45 am a saca e Ganador absoluto di tumba 42 pa aña 2012 cu a keda den persona di:

Comision Tumberito, cual ta e comision organisado di Festival Tumberito pa SAC, ta informa e comunidad Arubano cu debi na desaroyo imprevisto, a dicidi di aplasa Festival Tumberito pa diahuebs 26 di januari 2012.
　
Comision Tumberito a constata ayeranochi cu pa motibonan fuera di alcanse di e comision y tambe di e orkesta musical, no por a finalisa e ensayo general pa tur e participantenan na tempo. Den Aruba Entertainment Center no por ensaya te den oranan laat di anochi. No mester lubida cu e hoben participante ta un mucha y p'esey e comision a scoge pa para e ensayonan 11.30pm. E mucha mester por sosega den oranan di anochi pa e por cumpli cu su scol y tambe cada tumberito mester haya e debido atencion musical di parti di e orkesta pa e ta adecuadamente prepara pa su presentacion musical. E comision hunto cu mayornan a scoge pa no ensaya cu e muchanan riba dia 24 di januari 4or di atardi (net prome cu e festival), ya cu esaki ta crea un situacion di desigualdad entre e participantenan.
　
Comision Tumberito, hunto cu mayornan y e orkesta musical a scoge pa acerca directiva di SAC pa aplasa e festival cu 2 dia. Esaki ta crea espacio pa e 10 hobennan cu falta pa ensaya, haya e atencion musical cu nan merece pa nan ta bon prepara pa Festival Tumberito.
　
Festival Tumberito lo tuma luga riba diahuebs 26 di januari 2012. E festival lo ta di 7or pa 11or di anochi den Aruba Entertainment Center.