|
Apple tin planes grandi pa nan iPhone nobo, incluyende un cambio den e grandura di e screen.
Apple ta preparando pa un di e launch mas grandi den historia ariba 12 di September. Por cierto, Apple mester pa e ta un launch grandi, ya cu statistica ta mustra un bahada den compra di smartphones. Experto nan ta bisa cu un causa di esaki tambe ta cu hopi hende kier wak kico e iPhone 5 lo por ofrece nan. Por fabor tuma nota cu ainda Apple mes no a revela e nomber nobo di nan iPhone, y cu hopi hende ta djis asumi cu esaki lo bira iPhone 5, embez di “The New iPhone” of algo asina.
Den e launch na september, tur cos ta indica cu publico henter lo por admira tambe e version nobo di e iPad, esta un iPad mini cu lo tin un screen di 7.8 inch. Kizas tambe un Apple TV set-top box. Durante e launch aki tambe lo marca e disponibilidad di e iOS 6, cual tambe lo inclui Siri pa iPad y otro features manera un programa di mapping nobo y un app cu ta yama Passbook, cual lo dunabo un espacio pa bo save kico cu bo kier, manera bo boarding pass of bo informacion di un compania.
E hardware di e iPhone 5 tambe lo inclui un par di cambio significante, di cual algun di nan lo por afecta con bo por uza bo iPhone pa trabou.
E iPhone 5 lo tin un screen mas grandi cu version nan anterior. E screen lo tin un 16:9 aspect ratio, cual ta e mesun shape cu tin ariba bo HDTV y monitor widescreen. Si bo wanta e telefon horizontaal, e lo ta mas hancho cu e iPhone 4S, pero no mas largo. E screen mas hancho ta hasie mas facil pa bo wak video.
Apple lo duna iPhone 5 varios otro feature tambe, manera un quad-core processor, opcion pa hasi transaccion di pago, comparti data dor di simplemente mishi cu un otro telefon y tambe miho seguridad di e telefon. Pero pa haña sa tur lo cual cu e iPhone 5 lo trece cu ne, nos lo mester warda pa e launch grandi ariba 12 di september.
 Apple tin planes grandi pa nan iPhone nobo, incluyende un cambio den e grandura di e screen.
Apple ta preparando pa un di e launch mas grandi den historia ariba 12 di september. Por cierto, Apple mester pa e ta un launch grandi, ya cu statistica ta mustra un bahada den compra di smartphones. Experto nan ta bisa cu un causa di esaki tambe ta cu hopi hende kier wak kico e iPhone 5 lo por ofrece nan. Por fabor tuma nota cu ainda Apple mes no a revela e nomber nobo di nan iPhone, y cu hopi hende ta djis asumi cu esaki lo bira iPhone 5, embez di “The New iPhone” of algo asina.
|
Cool News
